Дар минтақаи шимоли ҷумҳурӣ ду ҳодисаи куштори бераҳмона ба вуқӯъ пайваст.
Тавре ба ОИ «Азия-Плюс» аз Раёсати корҳои дохилии вилояти Суғд хабар доданд, дар ноҳияи Истаравшан шахсони номаълум шабона ба манзили зисти корманди нуқтаи мубодилаи асъор Шӯҳрат Ҷалолови 36-сола ворид мегарданд.
Дар саҳни ҳавлии хона тавассути зарбаҳои корд ӯ ва сипас ҳамсари Ҷалоловро, ки аз шунидани доду фарёд ба саҳни ҳавлӣ мебарояд, ба қатл мерасонанд ва 28 ҳазор маблағи пулиро бо худ мебаранд. «Аз ҷароҳатҳои бардошта Ҷалолов ва ҳамсараш дар ҷойи ҳодиса ба ҳалокат расидаанд», - гуфтанд дар раёсат.
Ба иттилои манбаъ, дар оилаи Ҷалоловҳо ду фарзанди ноболиғ тарбия меёфтанд. Аз рӯйи ин далел дар мақомоти додситонии шаҳри Истаравшан мутобиқи моддаи «Одамкушӣ»-и Кодекси ҷиноии ҶТ парвандаи ҷиноӣ боз шудааст.
Зикр гардид, ки чанде қабл дар ноҳияи Спитамен ба гумони даст доштан дар қатли кӯдак сокини 43-солаи ҷамоати Тағояк Икром Ҷӯраев боздошт гардидааст. Бино ба маълумоти мақомоти ҳифзи ҳуқуқ, боздоштшуда дар ҳолати мастӣ кӯдаки 5-солаи ҳамсояро ба дуздии пулҳои худ гумонбар дониста, ӯро ба қатл мерасонад.
Пас аз куштани кӯдак, бо мақсади пинҳон кардани ҷиноят ӯ кӯдакро ба халта андохта, ба як мавзеъи ноободи наздики деҳаи Камар бурда мепартояд. Аз рӯйи ин далел низ дар мақомоти додситонии ноҳияи Спитамен мутобиқи моддаи «Одамкушӣ»-и Кодекси ҷиноии ҶТ парвандаи ҷиноӣ боз шуда, далели шайъӣ – корде, ки бо он кӯдак кушта шудааст, мусодира гардидааст.
Бино ба маълумоти Раёсати корҳои дохилии вилояти Суғд, тайи 7 моҳи соли равон дар қаламрави минтақаи шимоли кишвар 22 ҳодисаи одамкушӣ (дар ҳамин давраи соли 2010 – 27 ҳодиса) ба қайд гирифта шудааст.
Акс аз www.telegraf.od.ua
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
Кулли ахбор
Авторизуйтесь, пожалуйста