Субҳи имрӯз вазири корҳои дохилии ҷумҳурӣ Абдураҳим Қаҳҳоров ҷиҳати иштирок дар кори ҷаласаи навбатии ҳайати мушовараи вазоратҳои корҳои дохилии Русияву Тоҷикистон ба шаҳри Оренбурги Русия сафар кард.
Тавре хабаргузории REGNUM менависад, вазири корҳои дохилии Русия Рашид Нургалиев низ субҳи имрӯз озими ин шаҳр шудааст.
Тавре ба ОИ «Азия-Плюс» як манбаъ аз Вазорати корҳои дохилии кишвар хабар дод, дар ҷаласаи ҳайати мушовара баррасии масоили ҳамкории мутақобилаи ҷонибҳо дар бахши ҷустуҷӯ ва боздошти афроди ба ҷиноят дастзада, баргузории амалиёти муштарак ҷиҳати ҷилавгирӣ аз интиқоли ғайриқонунии маводи мухаддир тавассути нақлиёти роҳи оҳан ва ҳавопаймоҳо ва ҳамчунин роҳандозии назорат аз болои муҳоҷирати ғайриқонунӣ ба нақша гирифта шудааст.
Бино ба маълумоти Вазорати корҳои дохилии ҷумҳурӣ, дар зарфи 11 моҳи соли равон кормандони мақомоти милисаи Русия дар ҷараёни баргузории амалиётҳои «Нелегал» (Будубоши ғайриқонунии шаҳрванд) ва «Розыск» (Ҷустуҷӯ) 44 афроди дар Тоҷикистон ҷинояти гуногун содирнамудаву мавриди пайгард қарордоштаро боздошт намуда, ба мақомоти дахлдори Тоҷикистон супурданд.
Ба иттилои манбаъ, соли равон кормандони мақомоти милисаи Тоҷикистону Русия тавассути методи «боррасонии таҳти назорат қарордошта» ду амалиёти махсуси муштарак доир намуданд, ки дар натиҷаи он дар қаламрави Русия аз муомилоти ғайриқонунӣ ҳудуди 12 кило маводи мухаддири героини афғонӣ мусодира гардид.
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Президенти Ӯзбекистон имрӯз ба Душанбе меояд
“Қадаш як ваҷаб аст, автоматро қапида наметавонист”. Сӯҳбати озоди волидони Далерҷон Мирзоев бо хабарнигорон
Дар Тоҷикистон “ҷодугарону муллоҳои тӯмордеҳ”-ро рӯйхат мекунанд
Туркия ба Тоҷикистон барои харидории бесарнишин $1,5 млн ва барои таълими низомиёни тоҷик $62 ҳазор медиҳад
Боздошти капитани милитсия бо 20 ҳазор сомонӣ пора
Дар Тоҷикистон мехоҳанд боз як қонун қабул кунанд. Он ба рушди соҳибкории иҷтимоӣ то куҷо мусоидат мекунад?
Кулли ахбор
Авторизуйтесь, пожалуйста