Айни замон нақшаи даъват ба хизмати ҳатмии ҳарбӣ дар сафи Қувваҳои Мусаллаҳи Тоҷикистон ба андозаи 100% ба иҷро расид.
Тавре ба ОИ «Азия-Плюс» сардори Маркази матуботи Вазорати мудофиаи ҷумҳурӣ Фаридун Маҳмадалиев хабар дод, нақшаи даъват ба хизмати ҳарбӣ дар тамоми шаҳру навоҳии кишвар иҷро шуд.
Ба қавли вай, айни замон даъватшудагон дар курсҳои махсуси ҷанговарони ҷавон ба омӯзиш фаро гирифта шуда, чанде аз онҳо савганди ҳарбӣ ба Ватан ёд карданд.
Қобили зикр аст, ки даъвати тирамоҳӣ ба хизмати ҳарбӣ дар Тоҷикистон маъмулан аз 1 октябр то 30 ноябр сурат мегирад.
Бино ба маълумоти Вазорати мудофиаи кишвар, ба сафи Қувваҳои Мусаллаҳи Тоҷикистон шаҳрвандони синнусоли аз 18 то 27-сола, ки барои ба таъхир гузоштан ё озод будан аз хизмат ҳуқуқ надоранд, даъват карда мешаванд.
Ҳамасола ба хизмат дар сафи Қувваҳои Мусаллаҳи кишвар тақрибан 15-16 ҳазор нафар даъват карда мешаванд. Дар Тоҷикистон зиёда аз 600 ҳазор нафар ҷавонони синнусоли мувофиқ ба хизмати ҳарбӣ ба сар мебаранд, аммо ҳудуди 150 ҳазор нафари онҳо мӯҳлати хизматашонро мавқуф гузоштаанд ё аз хизмат озод карда шудаанд ва ё барои хизмати ҳарбӣ коршоям нестанд. Боз ҳудуди 100 ҳазор нафар шаҳрвандони синнусоли мувофиқ ба хизмати ҳарбии Тоҷикистон дар муҳоҷират қарор доранд.
Раҳбарии Комисиияи ҷумҳуриявии ташкили даъвати тирамоҳӣ ба хизмати ҳарбиро муовини нахуствазири кишвар Руқия Қурбонова бар ӯҳда дошт. Ба ҳайси муовини ӯ сардори Раёсати ташкиливу сафарбарии Ситоди кулли Вазорати мудофиа полковник Хушвақт Мироваров таъин гардида буд.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста