Дар Агентии назорати маводи нашъаовари назди Президенти Ҷумҳурии Тоҷикистон мулоқоти Директори Агентӣ, генерал-лейтенанти милитсия Рустам Назаров бо сарвари Намояндагӣ оид ба масъалаҳои ҳифзи ҳуқуқи Франсия дар Осиёи Марказӣ ҷаноби Пер Пушэрэ ва ҳамроҳони ӯ доир гардид.
Тавре аз маркази робита бо ҷомеаи агенти мазкур хабар доданд,. дар ҷараёни мулоқот Директори Агентӣ ҳайати меҳмонҳоро бо вазъи вобаста ба маводи мухаддир дар Тоҷикистон, ҳамчунин минтақаи Осиёи Марказӣ, чораву тадбирҳое, ки Ҳукумати ҷумҳурӣ дар самти назорати маводи нашъаовар меандешад, ташкили ҳамкориҳо миёни мақомоти ҳифзи ҳуқуқи ҷумҳурӣ, аз ҷумла бо ҳамкорон аз дигар кишварҳо дар мубориза бо муомилоти ғайриқонунии маводи мухаддир шинос намуда, дар бораи фаъолияти Агентӣ, дастовардҳо ва дурнамои рушди он муфассал нақл кард.
Аз ҷумла ҷонибҳо имконияти расонидани кӯмакҳои моддӣ-техникиро барои хадамоти махсусгардонидашудаи миллии кинологӣ, ки дар он омодасозии кинологҳои касбӣ, парвариш ва омӯзиши сагҳои хизматии ҷустуҷӯӣ барои мақомоти ҳифзи ҳуқуқ ва сохторҳои қудратии ҷумҳурӣ, ки бо муомилоти ғайриқонунии маводи нашъадор мубориза мебаранд, дар назар гирифта шудааст, мавриди баррасӣ қарор доданд.
Дар поёни мулоқот ба иштирокчиёни семинари “Механизмҳои тафтиши ҷиноятҳои мухаддиротӣ”, ки аз ҷониби Раёсати ҳамкориҳои байналмилалии политсияи Сафорати Франсия дар Ҷумҳурии Тоҷикистон рӯзҳои 21-24 ноябри соли ҷорӣ баргузор гардид, сертификат ва тӯҳфаҳои хотиравӣ супорида шуданд. Семинари мазкур барои такмили ихтисоси кормандони АНМН дар самти мубориза бо муомилоти ғайриқонунии маводи нашъаовар равона шуда буд.
Дарсҳо барои кормандони Агентӣ аз ҷониби таҳлилгарон аз Бригада оид ба мубориза бо муомилоти ғайриқонунии маводи мухаддири назди Префектураи политсияи шаҳри Париж гузаронида шуд. Дар доираи семинар 20 нафар кормандон гузаронидани чорабиниҳои гуногуни техникӣ ва фаврии мубориза бо муомилоти ғайриқонунии маводи нашъоварро омӯхтанд, ҳамчунин масъалаҳои ҳамкориҳо дар ҷараёни баргузории чорабиниҳо низ коркард шуданд.
Намояндагони ҳайати фаронсавӣ қайд карданд, ки роҳандозии муколамаи фаъол миёни Агентии назорати маводи нашъаовари назди Президенти Ҷумҳурии Тоҷикистон ва мақомоти ҳифзи ҳуқуқи Фаронса ба ҳамкориҳои муваффақонаи оянда низ мусоидат хоҳанд намуд.
Зимни суханронии худ Директори Агентӣ Р. Назаров ба аҳамияти баргузории чунин курсҳои омӯзишӣ барои беҳбуди мубориза бо мухаддирот дар минтақа таъкид намуд ва ба таҳкими минбаъдаи ҳамкориҳо дар самти мубориза бо маводи мухаддир изҳори умед намуд.
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Кулли ахбор
Авторизуйтесь, пожалуйста