Шӯъбаи байналмилалии мубориза зидди маводи нашъаовар ва ҳифзи ҳуқуқи Cафорати ИМА дар Ҷумҳурии Тоҷикистон дар ҳамкорӣ бо ташкилоти Зе Эмерҷенс Груп курси “Такмили ихтисоси мураббиён оид ба услубҳои худмуҳофизатӣ”-ро барои намояндагони мақомоти ҳифзи ҳуқуқи Ҷумҳурии Тоҷикистон гузаронд.
Тавре аз сафорати ИМА дар Тоҷикистон хабар доданд, курси омӯзишии мазкур аз тарафи Шӯъбаи байналмилалии мубориза зидди маводи нашъаовар ва ҳифзи ҳуқуқи Сафорати ИМА дар Ҷумҳурии Тоҷикистон маблағгузорӣ шуда, дар толори машқ ва услубҳои ҷисмонии Маркази таълимии ВКД, ки аз нав таъмир гардида буд, гузаронида шуд. Намояндагони мақомотҳои ҳифзи ҳуқуқи Ҷумҳурии Тоҷикистон, аз ҷумла ВКД, Академияи ВКД, Маркази таълимии ВКД, Кумитаи давлатии амнияти миллии ҶТ, Қушунҳои сарҳадии КДАМ, Агентии назорати маводи нашъаовари назди Президенти ҶТ, БДА, Хадамоти ёрии таъҷилӣ ва бехатарии фурудгоҳи байналмилалӣ ва Роҳи оҳани шаҳри Душанбе, Хадамоти ёрии таъҷилии Раёсати оташнишонӣ ва Дастаҳои таъиноти махсуси ВКД-и шаҳри Душанбе, вилояти Суғд ва ВМКБ дар ин омӯзиш ширкат варзиданд.
Ба иттилои манбаъ, мутахассисони байналмилалӣ ва мураббиёни маҳаллии ташкилоти Зе Эмерҷенс Груп оид ба истифодаи дурусти қувва ва услубҳои худмуҳофизатие, ки дар таҷрибаи олии байналмилалӣ асос ёфтаанд, иштирокчиёнро омӯзониданд ва савияи дониши онҳоро баланд бардоштанд. Дар байни иштирокчиёни интихобшудаи курси “Такмили ихтисоси мураббиён оид ба услубҳои худмуҳофизатӣ”, ки барои самаранок ва беҳтар гузаронидани омӯзиш (тренинг) дониш ва малакаҳои заруриро таъмин намуд, занон - кормандони ҳифзи ҳуқуқ низ ширкат варзиданд.
«Раёсати ИМА оид ба назорати риояи қонунҳо дар бораи маводи мухаддир (DEA) назди Сафорати ИМА таълими муборизаи алайҳи маводи мухаддирро барои 25 коргарони Агентии назорати маводи нашъаовари назди Президенти Ҷумҳурии Тоҷикистон гузаронд. Таълим дар рӯзҳои аз 5 то 9 декабр гузашт ва аз машқҳои гузаронидани пурсиш, навиштани ҳисобот, истифодабарии далелҳо ва муайян намудани маводи мухаддирро иборат буд. Омӯзишҳои иловагӣ соли 2012 ба нақша гирифта шудааст», - гуфтанд дар сафорат.
Зимнан зикр гардид, ки ҳукумати Иёлоти Муттаҳида ба идомадиҳии пуштибонӣ аз сохтори ҳифзи ҳуқуқии Тоҷикистон ва кӯмаки худ ба он омода аст. Аз соли 1992 инҷониб Ҳукумати ИМА барои барномаҳои ба тақвияти соҳаҳои ҳифзи ҳуқуқ ва амният, болоравии иқтисодӣ, ниҳодҳои демократӣ, тандурустӣ ва маорифи Тоҷикистон кӯмакдиҳанда беш аз 984 миллион доллари амрикоиро таъмин намудааст.
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Чӣ гуна метавон шаҳодатномаи ронандагии Тоҷикистонро ба шаҳодатномаи ронандагии Русия иваз кард?
“Иқдоми носанҷида”. Хадамоти алоқа аз ширкатҳои мобилӣ хост, нархи тарофаҳоро дубора боло набаранд
Visa дар бораи рушди технологияҳои рақамии пардохтӣ дар Тоҷикистон нақл кард
Байни Тоҷикистон ва Британияи Кабир созишнома дар бораи алоқаи ҳавоӣ имзо шуд
То охири сол дар Тоҷикистон пас аз таъмиру навсозӣ 5 роҳи мошингард ба истифода дода мешаванд
Эмомалӣ Раҳмон бо аввалин сафари расмӣ ба Италия ва Ватикан рафт
Кулли ахбор
Авторизуйтесь, пожалуйста