Зимни нишасти хабарӣ директори Агентии назорати маводи нашъаовари назди президенти Тоҷикистон Рустам Назаров изҳор кард, ки айни замон 15 гурӯҳҳои фаъоли машғул ба муомилоти ғайриқонунии маводи мухаддир таҳти ҷустуҷӯи фаврии агентӣ қарор доранд.
Ба гуфтаи ӯ, дар тамоми гурӯҳҳои ҷиноятпешае, ки таҳти ҷустуҷӯи агентӣ қарор доранд, намояндагони макомоти ҳифзи ҳуқуқ ҳузур дошта, аз онҳо пуштибонӣ мекунанд. Онҳо ба сифати «сарпаноҳ»-и гурӯҳҳои ҷиноятпеша хизмат мекунанд.
Ба андешаи директори агентӣ, яке аз сабабҳои ҳузури намояндагони мақомоти қудратӣ дар гурӯҳҳои ҷиноятпешаи нашъаҷаллоб беҳбуди вазъи некӯаҳволиашон аст. «Афсароне, ки дар ин амал даст доранд, виҷдону номуси афсарӣ надоранд», - гуфт вай ва илова кард, ки ин падида умумӣ набуда, танҳо дар ҳолатҳои ҷудогона ба мушоҳида мерасад.
Р.Назаров амалиёти доиргардида аз ҷониби Агентии зиддифасод бобати қатъи фаъолияти гурӯҳҳои ммашғул ба муомилоти ғайриқонунии маводи мухаддирро, ки дар ҳайати онҳо афсарони баландрутбаи мақомоти қудратӣ низ ҳузур доштанд, мусбат арзёбӣ намуд. «Амалиёт дар сатҳи касбии хуб ва моҳиронаву бо кордонӣ гузаронида шуд», - афзуд номбурда.
Ёдрас мекунем, ки як рӯз қабл директори Агентии назорати давлатии молиявӣ ва мубориза бо коррупсияи Тоҷикистон Фаттоҳ Саидов маълумот дар хусуси боздошти Фаридун Умаров, бародари муовини аввали раиси Кумитаи давлатии амнияти миллӣ Фаридун Умаровро расман тасдиқ кард. Ф.Саидов гуфт, Фаридун Умаров ба даст доштан дар муомилоти ғайриқонунии маводи мухаддир гумонбар дониста мешавад.
Ба гуфтаи Ф.Саидов, сардори шӯъбаи мубориза бо гардиши ғайриқонунии маводи нашъаовари ШКД-и ноҳияи Фархор Фаридун Умаров ба ҳайати гурӯҳи ҷиноятпеша, ки ҳафтаи гузашта ба фаъолияташон дар ин ноҳия хотима бахшида шуд, шомил буд. Ба ҳайати гурӯҳ ҳамчунин дигар афсарони баландрутбаи мақомоти ҳифзи ҳуқуқ ва шаҳрвандони қаторӣ низ шомиланд.
«Айни замон Фаридун Умаров ба ҳабс гирифта шуда, айбнома ба ӯ алҳол пешниҳод нашудааст», - гуфта буд Саидов ва илова кард, ки «бародар барои амали бародари худ ҷавобгар нест, ба ҳар ҳол, тафтишот қазияро ҳамаҷониба рӯшан хоҳад кард».
Фаттоҳ Саидов низ таъкид кард, ки ҳеҷ яке аз гурӯҳҳои ҷиноятпешаи нашъаҷаллоб бидуни пуштибонии мансабдорони воломақом амал намекунанд.
Дар ҳамин ҳол, Р.Назаров дар робита ба ин масъала гуфт, барои санҷиши ҳамаҷонибаи ин далел гурӯҳи муштараки тафтишотӣ таъсис дода шудааст, ки ба ҳайати он кормандони агентӣ низ шомиланд. Назаров афзуд, тайи 12 соли фаъолияти агентӣ оид ба делели даст доштан дар ришваситонӣ 7 нафар кормандони он боздошт шудаанд.
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Кулли ахбор
Авторизуйтесь, пожалуйста