Фармондеҳи нерӯҳои марзбонии Тоҷикистон Шералӣ Мирзо дар ҷаласаи навбатии 67-уми Шӯрои фармондеҳони нерӯҳои марзбонии кишварҳои узви ИДМ, ки санаи 26-уми апрел дар шаҳри Алмаатои Қазоқистон доир мегардад, ширкат хоҳад варзид.
Бино ба маълумоти расида аз Сарраёсати нерӯҳои марзбонии КДАМ-и Тоҷикистон, дар ҷаласа масоили ҳамкории сохторҳои марзбонии кишварҳои ИДМ, аз ҷумла таъсиси нуқтаҳои абонентии низоми худкори табодули маълумот ҷиҳати мубориза алайҳи терроризму ифротгароӣ ва дигар амалҳои ғайриқонунӣ дар марзҳои давлатӣ матраҳ мегарданд.
Рӯзи дигар, 27-уми апрел, дар шаҳри Остонаи Қазоқистон ҷаласаи навбатии котибони Шӯрои амнияти кишварҳои узви Созмони аҳдномаи амнияти дастаҷамъӣ баргузор мегардад, ки дар он аз Тоҷикистонро намояндагӣ кардани котиби Шӯрои мнияти ҷумҳурӣ Абдураҳим Қаҳҳоров интизорӣ меравад.
«Масъалаи андешидани тадбирҳои муштарак оид ба пешгирии таҳдиду чолишҳо ба амнияти дастаҷамъӣ, ки ба вазъ дар минтақаи масъули СААД таъсири назаррас мерасонанд, дар маркази таваҷҷуҳи иштирокдорони ҷаласа қарор хоҳад гирифт», - хабар медиҳад хадамоти матбуоти СААД.
Ёдрас мекунем, ки Созмони аҳдномаи амнияти дастаҷамъӣ 15-уми майи соли 1992 таъсис ёфта, давлатҳои Арманистон, Белорус, Қазоқистон, Қирғизистон, Русия, Тоҷикистон ва Ӯзбекистон узви он мебошанд.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста