Дар Агентии назорати маводи нашъаовари назди Президенти Ҷумҳурии Тоҷикистон бо дастгирии барномаи Иттиҳоди Аврупо «БОМКА» Маркази таълимии кинологӣ кушода шуд.
Тавре аз маркази робита бо ҷомеаи Агентӣ иттилоъ доданд, моҳи октябри соли 2008 дар шаҳри Душанбе конференсияи байналмилалии «Идораи сарҳадот ва назорат аз болои мухаддирот дар Осиёи Марказӣ» баргузор гардид, ки дар он оид ба таъсиси Маркази таълимии кинологӣ барои тайёр кардани мутахассисон-кинологҳо на танҳо барои мақомоти ҳифзи ҳуқуқи ҶТ, балки барои мақомотҳои дахлдори Ҷумҳурии Исломии Афғонистон қарор қабул карда шуд.
Бо ин мақсад соли 2010 бо дастгирии барномаи Иттиҳоди Аврупо «БОМКА» дар базаи хадамоти кинологии Агентӣ сохтмони бинои маъмурии Маркази таълимӣ оғоз шуд.
Соли 2011 корҳои сохтмонии синфхонаҳои таълимӣ, хобгоҳ барои шунавандагон, ошхона, китобхона, толори варзишӣ, инчунин биноҳо барои нигоҳ доштан, дарс, омӯзиш додан ва зиёд кардани сагҳои хизматии кофтуковӣ ба охир расиданд.
Таъсиси Маркази таълимии кинологӣ барои тайёр кардани кинологҳо, зиёд кардан ва омода намудани сагҳои хизматии кинологӣ оид ба ёфтани мухаддирот, барои баланд гардидани самаранокии фаъолияти оперативӣ-ҷустуҷӯии ҳам Агентӣ, инчунин дигар мақомоти ҳифзи ҳуқуқ ва сохторҳои қудратии Ҷумҳурии Тоҷикистон имконият медиҳад.
Дар суханронии худ Директори Агентӣ генерал-лейтенанти милитсия Р.Назаров қайд кард, ки дар оянда инчунин сохтани Маркази таълимии махсусгардонидашуда ба нақша гирифта шудааст, ки дар он тайёр кардани на танҳо кормандони мақомоти ҳифзи ҳуқуқи ҶТ, балки кормандони зидди мухаддиротии ҶИА низ имконияти таълим гирифтан пайдо менамоянд.
Дар ифтитоҳи расмии кушодашавии Маркази таълимии кинологӣ Муовини Котиби генералии СММ, Директори иҷроияи Раёсати СММ оид ба маводи нашъадор ва ҷинояткорӣ Юрий Федотов, Намояндаи ПРООН дар Ҷумҳурии Тоҷикистон А.Зуев, Роҳбари намояндагии Иттиҳоди Аврупо дар кишвари мо Э.Ауэр, инчунин намояндагони сафоратҳо ва созмонҳои байналмилалие, ки дар мамлакати мо аккредетатсия шудаанд, иштирок намуданд.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста