Ҳудуди 20 нафар афсарони Вазорати мудофиа, нерӯҳои марзбонӣ ва Гвардияи миллии Тоҷикистон дар тамринҳо таҳти унвони «Ҳамкории минтақавӣ-2012», ки рӯзи 18-уми июн дар Бишкек оғоз гардид, иштирок мекунанд.
Тавре ба ОИ «Азия-Плюс» сардори маркази матбуоти Вазорати мудофиаи ҷумҳурӣ Фаридун Маҳмадалиев хабар дод, дар ҷараёни тамринҳо, ки дар он намояндагони сохторҳои қудратии ИМА, Қазоқистон, Қирғизистон, Тоҷикистон, Афғонистон ва Покистон иштирок доранд, масоили ҳамкории мутақобила зимни омодагирӣ ва баргузории амалиёти муштарак оид ба расонидани кӯмак дар бартараф намудани оқибатҳои офатҳои табиӣ баррасӣ ва дар амал санҷида мешаванд.
Мутахассисони сохторҳои қудратии ИМА бо иштирокдорони тамринҳо дар бораи методикаи омодагӣ ва баргузории тамринҳои компютерӣ ва машқҳо, кор бо харитаҳои электронӣ ва дигар масоил машғулиятҳо доир месозанд. Бо ин мақсад Маркази мнтақавии ҳамоҳангсозӣ, Маркази миллии вокуниш ба вазъи буҳронии Ҷумҳурии Қирғизистон ва ҳамчунин Марказҳои миллии фаврӣ дар кишварҳои иштирокчии тамринҳо ташкил карда мешаванд. Тамринҳо то 29-уми июн идома меёбанд.
Ба гуфтаи Маҳмадалиев, соли гузашта тамринҳои ба ин монанд бо иштироки намояндагони сохторҳои қудратии кишварҳои дар боло зикршуда дар Донишкадаи низомии Вазорати мудофиаи Тоҷикистон баргузор шуда буданд.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста