Субҳи имрӯз вазири мудофиаи Тоҷикистон генерал-полковник Шералӣ Хайруллоев ба Русия сафар кард.
Тавре ба ОИ «Азия-Плюс» як манбаъ аз Вазорати мудофиаи ҷумҳурӣ иттилоъ дод, сафари вазири мудофиаи кишвар то 8-уми июл идома ёфта, дар ҷараёни он Шералӣ Хайруллоев дар кори ҷаласаи навбатии Шӯрои вазирони мудофиаи кишварҳои узви ИДМ, ки рӯзи 5-уми июл таҳти раёсати вазири мудофиаи Русия Анатолий Сердюков дар шаҳри Калининград доир мегардад, ширкат хоҳад варзид.
Ба иттилои манбаъ, дар доираи сафар вазири мудофиаи Тоҷикистон бо як қатор ҳамтоҳои худ аз кишварҳои узви ИДМ мулоқот анҷом хоҳад дод.
Бино ба маълумоти хадамоти матбуоти Кумитаи иҷроияи ИДМ, дар кори ҷаласаи мазкур иштироки ҳайати вазоратҳои мудофиаи Озарбойҷон, Арманистон, Белорус, Қазоқистон, Қирғизистон, Молдова, Русия, Тоҷикистон, Туркманистон, Ӯзбекистон ва Украина дар назар аст.
Ба рӯзномаи ҷаласаи Шӯрои вазирони мудофиаи кишварҳои узви ИДМ беш аз 20 масоили марбут ба ҳамкориҳои шариконаи бисёрҷониба дар самтҳои гуногун, аз ҷумла тартиби истифодаи имконоти дастгоҳҳои кайҳонии таъиноти иқтисодии Қувваҳои Мусаллаҳи Русия ба манфиати Қуввваҳои Мусаллаҳи кишварҳои узви иттиҳод, масоили бунёд ва такмили низомҳои муттаҳидаи муштараки таъиноти низомӣ, роҳандозии ҳамкории воҳидҳои низомии муҳандисии кишварҳо, тасдиқи Нақшаи ҳамкории муштараки воҳидҳои нерӯҳои дифои зиддиҳавоӣ, муайян намудани самтҳои фаъолият дар кори тарбияи ватандӯстӣ ва рушди варзиш дар Қувваҳои Мусаллаҳи давлатҳо ворид шудаанд.
Ҳамчунин дар ҷаласа оид ба ҳавасандсозӣ ва бо мукофотҳо қадрдонӣ кардани хизматчиёни низомӣ ва шаҳрвандони кишварҳои узви ИДМ дар робита ба 20-солагии таъсиси Шӯрои вазирони мудофиаи кишварҳои узви ИДМ қарор қабул мешавад.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста