Дар шаҳри Хоруғ ҳудуди 100 нафар сайёҳон боқӣ мондаанд, ки асосан шаҳрвандони кишварҳои Аврупо, ИМА ва Канада мебошанд.
Тавре ба ОИ «Азия-Плюс» намояндаи як ширкати сайёҳии австралиягӣ хабар дод, аксари сайёҳон мебоист субҳи 24-уми июл аз Хоруғ хориҷ мешуданд, вале ба ин фурсат даст надодааст.
Ба иттилои манбаъ, ширкати онҳо бо сафоратхонаҳои кишварҳои Аврупову ИМА дар Тоҷикистон дар тамос шудааст. «Албатта, таъмини амнияти мизоҷон вазифаи аввалиндараҷаи мо мебошад. Аз ин рӯ, мо ба сафоратхонаҳои онҳо муроҷиат карда, дар навбати худ онҳо бо вазоратҳои корҳои хориҷии давлатҳои худ гуфтушунид доранд», - изҳор дошт як австралиягӣ аз Мелбурн.
Ба гуфтаи вай, яке аз аъзои ин гурӯҳ телефони моҳвораӣ дошта, мудом бо ширкат дар тамос аст. «Ӯ мегӯяд, айни замон вазъ дар шахр ором аст. Он ҷо ду нафар роҳнамоҳо (гидҳо)-и мо ва чор нафар ронандагон аз Қирғизистон ҳузур доранд», - иброз медорад намояндаи ширкат.
Ба хотири амнияти сайёҳон ӯ макони будубоши онҳоро ифшо насохта, танҳо зикр мекунад, ки онҳо солиманд. «Агенти сайёҳии қирғизи мо иттилоъ дод, ки дар Хоруғ ва гирду атрофи он сайёҳон хеле зиёданд, аммо дар бораи вазъи будубоши онҳо чизе маълум нест, зеро робита бо онҳо ғайриимкон аст», - илова намуд намояндаи ширкати сайёҳӣ.
Дар ҳамин ҳол, то ҳанӯз дар Хоруғ боз ҳудуди 70 нафар кормандони созмонҳои байнулмилалии муқими Тоҷикистон низ боқӣ мондаанд, ки ба хориҷ шудан аз шаҳр имкон надоранд.
Намояндагони созмонҳои байнулмилалӣ ба сохторҳои қудратӣ муроҷиат кардаанд, то ки барояшон гузаргоҳ ё худ коридори бехатари хурӯҷ аз шаҳрро муҳайё намоянд ва ин дархости онҳо феълан мавриди баррасӣ қарор дорад.
Дар дафтарҳои кории чанде аз созмонҳои байнулмилалӣ дар шаҳри Душанбе ин хабарро рад накарданд, вале аз ҳама гуна шарҳу тавзеҳ худдорӣ варзиданд.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста