Бо ташаббус ва дастгирии як гурӯҳ фаъолзанон ва имомони шаҳри Хорӯғ, ки мақсади таъмини оромӣ ва ободии кишварро доштанд, маъракаи супоридани яроқу лавозимоти ҷангӣ оғоз гардид.
Тавре аз Вазорати корҳои дохилии ҷумҳурӣ хабар доданд, як гурӯҳ ҷавонони раҳгумзадаи маҳаллаи Заводи нони (Хлебзавод) шаҳри Хоруғ, ки бидуни андеша ва гумроҳӣ яроқ ба даст гирифта, ба муқобили қувваҳои ҳукуматӣ ба муқовимат бархоста буданд, бегоҳии 28.07. 2012 сол силоҳу лавозимоти ҷангӣ аз қабили автомати Калашников, пулемёт ва дигар силоҳи оташфишонро ба мақомоти ҳифзи ҳуқуқ супориданд.
Ба иттилои манбаъ, шахсоне, ки ихтиёран яроқҳои ғайриқонуниро месупоранд, аз ҷавобгарии ҷиноятӣ озод мебошанд. Айни замон вазъ дар Вилояти Мухтори Кӯҳистони Бадахшон ором буда, аҳолӣ ба ҳаёти осоишта машғул аст.
Бино ба иттилои хабарнигори ОИ «Азия-Плюс» аз Хоруғ, чанде қабл вохӯрии навбатии комиссияи мустақили миёнаравон оид ба танзими вазъ бо мақомоти раҳбарии вилоят доир гардидааст, вале ба иштироки хабарнигор дар он боз роҳ надодаанд.
Қобили зикр аст, ки нерӯҳои ҳукуматӣ бо гурӯҳҳои мусаллаҳ дар бораи бартараф кардани сангарҳо ва иҷозати убури қатораи автомашинаҳои бузургҳаҷми боркаш ба мувофиқа расида, рӯзи 27-уми июл ҳудуди 40 ва 28-уми июл беш аз 30 автомашина ба сӯйи Душанбе раҳсипор шуданд.
Ба гуфтаи сокинон, ба ивази ин ҷониби ҳукумат бозпас хондани нишонзанҳо аз кӯҳҳои гирду атроф ва сарбозон аз хонаҳои истиқоматиро ваъда кардааст, вале ин кор амалӣ нагардид.
Дирӯз нерӯҳои ҳукуматӣ боз маҷбурӣ аҳолиро аз микрорайони Селхозтехника кӯчонданд.
Ҳамчунин маълум шуд, ки ду рӯз пеш дар мавзеи Шоҳдара автомашинаи Толиб Айёмбеков дарёфт гардидааст, ки ба дарёи Шоҳдара чаппа шудааст. Дар автомашина осори хун пайдо шудааст. Ба ақидаи сокинони маҳаллӣ, ҳалокати Т.Айёмбеков аз эҳтимол дур нест.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста