Қумондонҳои саҳроии Бадахшон Толиб Айёмбеков ва Ёдгор Мамадасламовро ҳамчунин дар саркашӣ аз пардохти қарзи Бонки давлатии амонатгузории «Амонатбонк» дар ҳаҷми зиёд тайи панҷ сол низ муттаҳам медонанд.
Ин айбномаҳо ба ҷурмҳои қаблан аз ҷониби Прокуратураи генералӣ ва Агентии назорати мавводи нашъаовар нисбати онҳо эълоншуда, аз қабили қочоқи маводи мухаддир, сангҳои қиматбахо, маснӯоти тамоку ва даст доштани Толиб Айёмбеков ба қатли сардори Раёсати КДАМ дар ВМКБ генерал-майор Абдулло Назаров илова карда шудаанд.
Дар бораи айбдор шудани қумондонҳо ба саркашӣ аз пардохти қарзи БДА «Амонатбонк» дар сомонаи расмии сафорати Тоҷикистон дар Қирғизистон бо такя ба мақомоти ҳуқуқи кишвар хабар дода мешавад.
Дар иттилои мазкур гуфта мешавад, чанд сол қабл Т.Айёмбеков ва Ё.Мамадасламов аз БДА «Амонатбонк» мутаносибан дар ҳаҷми 250 ҳазор ва 300 ҳазор доллари ИМА қар гирифта, вале тайи панҷ сол аз пардохти маблағи қарз ва фоизҳои ҷамъшудаи он саркашӣ намудаанд.
Дар хадамоти матбуоти БДА «Амонатбонк» бо такя ба сирри бонкӣ аз шарҳи иттилои мазкур худдорӣ варзиданд. Дар ҳамин ҳол, намояндаи бонк иттилои мазкурро тасдиқ ҳам насохту инкор низ накард.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста