Сардори cитоди кулли Қувваҳои мусаллаҳи Тоҷикистон, муовини аввали вазири мудофиаи ҷумҳурӣ генерал-лейтенант Эмомалӣ Собирзода рӯзи 12-уми декабр ба шаҳри Санкт-Петербург сафар кард.
Тавре ба “Азия-Плюс” сардори маркази матбуоти Вазорати мудофиаи Тоҷикистон подполковник Ориф Нозимиён хабар дод, дар ин ҷо ӯ имрӯз, 13-уми декабр дар кори ҷаласаи Кумитаи ҳарбии назди Шӯрои вазирони мудофиаи кишварҳои узви Созмони Аҳдномаи амнияти дастаҷамъӣ (СААД) иштирок мекунад.
Дар ҳошияи иштирок дар кори ҷаласаи Кумитаи ҳарбӣ Собирзода бо як зумра ҳамтоёни худ дар СААД вохӯриҳои корӣ мегузаронад.
Ҷаласа таҳти раёсати сардори ситоди кулли Қувваҳои мусаллаҳи Русия, муовини аввали вазири мудофиаи ин кишвар генерали артиш Валерий Герасимов доир мегардад.
Бино ба маълумоти хадамоти матбуоти СААД, дар ҷаласа сардорони ситодҳои кулли Қувваҳои мусаллаҳи кишварҳои узви СААД – Арманистон, Беларус, Қазоқистон, Русия ва Тоҷикистон, муовини аввали сардори ситоди кулли Қувваҳои мусаллаҳи Қирғизистон ва сардори Ситоди муттаҳидаи СААД ширкат меварзанд.
Дар ҷаласаи Кумитаи ҳарбӣ баррасии самтҳои афзалиятноки фаъолияти СААД дар соҳаи ҳарбӣ, ки аз ҷониби Русия дар давраи раёсати ин созмон дар соли 2020 пешниҳод шудааст ва таҳияи тадбирҳо оид ба амалисозии онҳо, таҳлили таҳдиду чолишҳо ба амнияти низомӣ дар минтақаҳои СААД ва дигар масъалаҳо дар назар аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста