Дар Тоҷикистон нақшаи тирамоҳии даъвати шаҳрвандон ба хизмати ҳарбӣ ба сафи Неруҳои мусаллаҳи Тоҷикистон 89 дарсад иҷро шуда, то кунун вилоятҳои Суғду Хатлон ва ноҳияҳои тобеи ҷумҳурӣ нақшаи даъватро иҷро накардаанд. Дар ин бора ба “Азия-Плюс” сардори маркази матбуоти Вазорати мудофиаи Тоҷикистон Фаридун Маҳмадалиев иттилоъ дод.
Ба иттилои манбаъ, вилояти Суғд давоми 20 рӯз 80 дарсад, вилояти Хатлон - 91 фоиз ва ноҳияиҳои тобеи ҷумҳурӣ бошанд, 92 % нақшаи даъвати шаҳрвандонро иҷро кардаанд.
- ВМКБ имсол, бори аввал дар рӯзи нахустини даъват аз иҷрои 103 дарсадии нақша хабар дода буд. Шаҳри Душанбе ҳам ба гуфтаи манбаъ, дар даҳрӯзаи аввал нақшаи даъватро 100 фоиз иҷро кардааст. То имрӯз наздик ба 40 шаҳру ноҳияи ҷумҳурӣ аз иҷрои даъват гузориш пешниҳод намуданд, - мегӯяд манбаъ.
Сардори Маркази матбуоти вазорати дифоъ мегӯяд, ки сарфи назар аз ин ки, нақша пеш аз муҳлат иҷро мешавад, кори комиссияи даъват ду моҳ идома мекунад ва ҳоло барои пурра иҷро намудани нақша бештар аз як моҳ фурсат боқӣ аст.
Маъракаи даъвати тирамоҳӣ ба хизмати ҳатмии ҳарбӣ дар Қувваҳои мусаллаҳи Тоҷикистон ду моҳ - октябр ва ноябр ҷараён мегирад. Ҳамасола шаҳрвандони синни аз 18 то 27-сола ба хидмат даъват карда мешаванд.
Ба гуфтаи Маҳмадалиев, дар минтақаҳое, ки нақшаи даъват қабл аз муҳлат иҷро шуд, ҷавонон ихтиёрӣ ба хидмат рафтаанд.
Ҳамасола ҳангоми маъракаи даъват шаҳрвандон ва бархе Созмонҳои ҳомии ҳуқуқ аз ҳолатҳои даъвати иҷборӣ ё ба истилоҳи маъмул “облава” нигаронӣ мекунанд. Имсол низ дар бархе расонаҳо ва шабакаҳои иҷтимоӣ ду мавриди “облава” расонаӣ шуд, ки яке аз онро Вазорати корҳои дохилӣ рад намуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Кулли ахбор
Авторизуйтесь, пожалуйста