Тоҷикистону Қирғизистон доир ба сохтмони роҳи мошингарди “Хоҷаи Аъло-Ворух” ба мувофиқа расиданд. Мақоми ин роҳро созишномаи алоҳидаи давлатӣ байни ду кишвар муайян мекунад, гуфта мешавад дар изҳороти муштараки ҳайатҳои ҳукуматии Тоҷикистон ва Қирғизистон дар бораи делимитатсия ва демаркатсияи сарҳади давлатии Тоҷикистон ва Қирғизистон, ки рӯзи 5 май дар сомонаи АМИТ “Ховар” ба нашр расидааст.
Ҷонибҳо роҳи мошингарди “Хоҷаи Аъло-Ворух”-ро дар хамгашти самти шарқии нуқтаи аҳолинишини Тангӣ (Капчигай) якҷоя месозанд ва ҷониби Тоҷикистон истифода ва нигоҳдорӣ мекунад.
“Мақоми ин роҳро созишномаи алоҳидаи давлатӣ байни ду кишвар муайян мекунад”, - зикр мегардад дар изҳорот.
Гуфта мешавад, барои ҳарчи зудтар оғоз намудани сохтмони ин роҳ ба гурӯҳҳои кории топографӣ супориш дода шуд, ки якҷоя бо ташкилоти лоиҳакашӣ тадқиқоти саҳроии ин мавзеъро дар заминҳои истифодаи амалии минтақаи Ботканд то 1 июни соли 2021 анҷом диҳанд.
Зикр мегардад, ки ин қарор бо мақсади ҳаракати бемамониати шаҳрвандон, убури воситаҳои нақлиёт ва молҳои Тоҷикистон то ба итмом расидани раванди делимитатсия, демаркатсия ва барасмиятдарории қонунии Сарҳади давлатии Тоҷикистон ва Қирғизистон қабул шудааст.
Ҷонибҳо ба мувофиқа расиданд, ки баъди ба итмом расидани сохтмони роҳи мошингарди “Хоҷаи Аъло-Ворух” дар хамгашти шарқии нуқтаи аҳолинишини Тангӣ (Капчигай) ба тасвири лоиҳавии хати Сарҳади давлатии Тоҷикистон ва Қирғизистон шурӯъ мекунанд.
Ҳайати ҳукуматҳоро дар гуфтушунид, ки рӯзҳои 1-2 май дар вилояти Ботканд баргузор шуд, раисони КДАМ Тоҷикистон - Саймумин Ятимов ва Қирғизистон - Қамчибек Тошиев роҳбарӣ карданд.
Роҳбарони ҳайатҳои Тоҷикистон ва Қирғизистон дар бораи зарурати тасвири ҳарчи зудтари хати сарҳади давлатии Тоҷикистон ва Қирғизистон дар қисматҳои боқимонда пурра изҳори ҳамдигарфаҳмӣ карданд.
Аз масофаи умумии 976 километр сарҳади давлатӣ байни Тоҷикистону Қирғизистон то имрӯз танҳо 504 километри он таъйину аломатгузорӣ шудааст.
Ҷонибҳо ба мувофиқа расиданд, ки барои тасвири хати лоиҳавии Сарҳади давлатӣ байни Тоҷикистон ва Қирғизистон дар қисматҳои аз нуқтаи сарҳадии № 43 то нуқтаи сарҳадии № 61 ва аз нуқтаи сарҳадии №135 то нуқтаи сарҳадии №141 аз ҳуҷҷатҳо ва маводи марзбандии миллию ҳудудии солҳои 1924-1927 ва комиссияи паритетии соли 1989 истифода мекунанд.
Ба гурӯҳҳои кории топографӣ дастур дода шуд, ки хати лоиҳавии Сарҳади давлатии Тоҷикистон ва Қирғизистонро дар қисматҳои дар боло зикршуда аз 5 то 9 майи соли 2021 тасвир кунанд.
Ҳамзамон бо ин, дар минтақаҳои Овчӣ-Қалъачаи ноҳияи Бобоҷон Ғафуров, Чоркӯҳ, Сомониён, Хоҷаи Аълои шаҳри Исфараи вилояти Суғди Тоҷикистон, инчунин нуқтаҳои аҳолинишини Максат, Кулундуи Лайлак, Коктерек, Оқсойи ноҳияҳои Бодканди Қирғизистон гурӯҳҳои кории Тарафҳо то 17 майи соли 2021 ба иҷрои корҳои топографӣ ва тасвири хатти лоиҳавии сарҳади давлатии Тоҷикистон ва Қирғизистон дар қисматҳои болозикр шурӯъ мекунанд.
Ҷонибҳо ҳамчунин ба мувофиқа расиданд, ки ҷаласаи муштараки навбатӣ дар қаламрави Ҷумҳурии Тоҷикистон баргузор карда мешавад.
Ёдрас мекунем, ки муноқишаи аҳолии маҳаллии минтақаҳои наздисарҳадии Тоҷикистону Қирғизистон рӯзи 29 апрел ба даргириҳои мусаллаҳона байни кишварҳо боис шуд.
Дар даргириҳои мусаллаҳона байни сарҳадбонони кишварҳо аз ҳар ду ҷониб зиёда аз 50 нафар ҳалок ва беш аз 300 кас осеб диданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Кулли ахбор
Авторизуйтесь, пожалуйста