Сафорати Тоҷикистон дар Русия даст доштани шаҳрвандон дар як занозании гуруҳӣ дар Маскавро рад кард. Ин дар ҳолест, ки дирӯз хабаргузории расмии ТАСС бо такя ба дафтари матбуоти пулиси Маскав навишт, ки ин занозанӣ миёни шаҳрвандони Тоҷикистону Қирғизистон сурат гирифтааст.
"Корманди хадамоти консулии сафорат бо ёрдамчии сардори шуъбаи ВКД дар Хиёбони Вернадский, Оксана Шликова, мулоқот кард. Номбурда иттилоъ дод, ки шаби 18-уми май низоъ ба вуқуъ пайвастааст, аммо шаҳрвандони Тоҷикистон иштирок надоштанд ва ягон нафари онҳо боздошт нашудаанд",-гуфтааст намояндаи сафорати Тоҷикистон дар номае ба Радиои Озодӣ.
Ин намояндаи сафорати Тоҷикистон, гуфтааст, ки даргирӣ фақат байни шаҳрвандони Қирғизистон сурат гирифта ва "маълумоти расонаҳои Русия дар бораи иштироки шаҳрвандони Тоҷикистон дар он дурӯғ мебошад".
Бино ба иттилои хабаргузории ТАСС, ки субҳи дирӯз расонаӣ кард, дар ин занозанӣ, ки дар қисмати ҷанубу шарқи Маскав, дар хиёбони Вернадский рух додааст 15 нафар ширкат кардаанд, ки 9 нафарро пулис боздошт ва ҷазо додааст.
Бар пайи ин даргирӣ, ки пулиси Маскав далели онро "хусумати шахсӣ" унвон кардааст, ду нафарро барои вайрон кардани қоидаҳои буду бош ва 7 нафари дигарро барои майдаавбошӣ ҷарима кардаанд.
Бархе расонаҳои русӣ дар пасманзари инъикоси ин ҳодиса ба даргириҳои марзии ахири Тоҷикистону Қирғизистон ҳам ишора карда буданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста