Имрӯз, 30 март, вакилони парлумони Тоҷикистон Муоҳадаи (конвенсия) байналмилалии марбут ба мубориза бо амалҳои тероризми ядроиро, ки Тоҷикистон ба он моҳи сентябри соли 2005 ҳамроҳ шуда буд, ба тасвиб расониданд.
Муовини якуми раиси Кумитаи давлатии амнияти миллии Тоҷикистон Фарҳод Камолзода дар шарҳи тасдиқи муоҳада дар ҳузури вакилон гуфт, ки тасвиби он дар асоси муроҷиати муовини дабари кулли СММ ба раиси палатаи поёнии парлумони Тоҷикистон барои анҷом додани расмияти дохилӣ сурат гирифтааст.
Ӯ афзуд, ки ҳадафи қабули конвенсия дар маҷмӯъ, нигоҳдории сулҳ ва амнияти байналмилалии рушди муносибатҳои ҳамсоягии нек, дӯстона ва ҳамкори байни давлатҳо мебошад.
- Дар ин росто давлатҳои шомили муоҳада муваззаф гардидаанд, ки барои таъмини ҳифзи маводҳои радеактивӣ дар ҳамкорӣ бо Агентии байналмилалии энергияи атомӣ тамоми чораҳоро меандашанд, -гуфт Камолзода.
Дар ҳамин ҳол, вакили парлумон Рустам Шоҳмурод дар суҳбат бо хабарнигорон зарурати имрӯзаи тасдиқи конвенсияро иҷро шудани расмиёти он аз ҷониби Тоҷикистон ва мутобиқ намудани қонунгузории Тоҷикистон ба он арзёбӣ кард.
Ӯ ҳамчунин, зимни муаррифии тасдиқи муоҳада гуфт, ки ҳадафи асосии моҳада муайян намудани кирдорҳои ҷинотяии алоқаманд бо маводҳои ҳастаӣ, ва бо ин мақсад амалӣ намудани ҳамкорӣ оид ба масъалаҳои дар конвенсия пешбинишуда, аз ҷумла бо мақсади пешгирии ҷиноятҳои алоқаманд бо терроризми ядроӣ, анедашидани ҷораҳо вобаста ба таъмини ҳифзи маводи радиактивӣ, муқарар карадани ҷавобгарии ҷиноятӣ, истирдоди ҷинояткорон, расонидани ёрии давлатҳои иштирокчӣ вобаста ба тафтишот, таъқиби ҷинотяӣ ё расмиёти супоридани ҷинотякорон мебошад.
Рустам Шоҳмурод тасдиқ намуд, ки конвенсия мустақилияти давлатҳои аъзои онро дар пешгирии ҷиноятҳои алоқаманд ба терроризми ядроӣ, санҷиши пешакӣ ва тафтишоти ин кирдорҳоро маҳдуд наменамояд.
Гуфта мешавад, ки то имрӯз, 117 давлат ба Конвенсияи байналмилалӣ дар робита ба мубориза ба амалҳои тероризми ядроӣ ҳамроҳ шуда, 82 давлат онро ба тасвиб расонидаанд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста