Дар Душанбе шахсони номаълум ба хабарнигорони бахши тоҷикии радиои "Озодӣ" - Муллораҷаб Юсуфӣ, Барот Юсуфӣ ва хабарнигори "Настояшее Время", Анушервон Орипов ва Насим Исамов ҳамла кардаанд. Дар ин бора худи радиои "Озодӣ" хабар медиҳад.
Бино ба иттилои "Озодӣ" ҳамла ба хабарнигорони ин расона пас аз он рух додааст, ки онҳо бо рӯзноманигор ва фаъоли иҷтимоӣ Улфатхонум Мамадшоева, ки мақомот ӯро яке аз ташкилкунандагони эътирозҳои рӯзи 16-уми май дар Хоруғ медонанд, рух додааст.
Раҳбарии радиои "Озодӣ" мегӯянд, ки онҳо аз ин ҳамла ба Вазорати корҳои дохилии Тоҷикистон шикоят бурдаанд ва ин ниҳод аризаи онҳоро пазируфтааст.
Ба нақли Муллораҷаб Юсуфзода, чун онҳо мусоҳибаро тамом мекунанд ва мехоҳанд ба мошин нишаста ба ҷойи кор баргарданд, шахсони номаълуме ба онҳо ҳуҷум мекунанд.
«Имрӯз, соати 14, ба манзили Улфатхонум Мамадшоева рафта, сад метр дуртар аз хонааш суҳбат кардем. Вақте ӯ баргашт ва мо ба назди мошин расидем, ду нафар омада, ману наворбардорро заданд ва фақат мегуфтанд, телефону камераро диҳед. Якеаш гуфт, “Муллораҷаб, ба Худо, мепарронамат.” Ду-се мушт заданд. Телефону ҷузвдонро гирифтанд. Пулҳоро гардонда, чизҳои дигарро бо худ бурданд,” – нақл мекунад Муллораҷаб.
Ин рӯзноманигор мегӯяд, ки ҳарчанд аз ҳамлаварон пурсидаанд, ки шумо кӣ ҳастед ва чӣ мехоҳед онҳо худро муаррифӣ накардаанд ва такрори ба такрор аз рӯзноманигор хостаанд, ки телефонашро бидиҳад.
Дар гузорише, ки "Озодӣ" нашр кардааст, хабарнигори телевизиони «Настояшее Время» мегӯяд, ки ба ӯ ва наворбардораш ҳам айни чунин ҳодиса рух додааст.
Дар маҷмуъ, бино ба иттилои хабарнигорони "Озодӣ" ва «Настояшее Время» аз онҳо ҳафт телефон ва як дастгоҳи наворгириро кашида гирифтаанд. Ба қавли Анушервон Орифов, ҳамлаварон гуфтаанд, хабарнигорон дастгоҳҳоро дертар хоҳанд гирифт, аммо нагуфтаанд, ки кай ва аз куҷо.
Анушервон Орипов мегӯяд, ки пас ан анҷоми мусоҳиба, роҳи мошини онҳоро як мошини сафеди шишасиёҳи хориҷии "Камри", ки рақами қайди давлатӣ надошт гирифт ва аз дохили он нафраони либоси варзишипӯш берун омада, онҳоро ба пошин пахш карда аз онҳо ҳамаи лавозими хабарнигорӣ, аз ҷумла телефон ва камераи раворбардорияшонро гирифтаанд.
"Мо аз онҳо хостем, ки худро муаррифӣ кунанд, накарданд ва вақте гуфтем, ки мо рӯзноманигор ҳастем, онҳо гуфтанд, ки медонем, ки шумо кӣ ҳастед".
Дар Telegram, Facebook, Instagram, OK ва ВК бо мо бимонед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста