Мушовири амниятии Ҳиндустон, Аҷет Дувол дар конфронси амниятии кишварҳои ҳамсояи Афғонистон дар Душанбе дар дидор бо ҳамтои эронияш аз фаъолияти гуруҳҳои террористӣ дар Афғонистон изҳорӣ нигаронӣ кард, ки ба гуфтаи ӯ аллаҳи Ҳиндустон фаъол шудаанд. Дар ин бораи "Афғонистон интернейшнл" хабар медиҳад.
Нишасти амниятии котибони Шӯрои амнияти кишварҳои ҳамсояи Афғонистон дар Душанбе оғоз шуд ва имрӯз идома мекунад.
Дувол дар мулоқот бо дабири Шӯрои олии амнияти миллии Эрон Алии Шомхонӣ шакл нагирифтани ҳукумати фарогир дар Афғонистон бо ҳузури намояндагони гурӯҳҳои қавмӣ ва мазҳабиро аз ҷолишҳои калони ин кишвар донистааст.
Расонаҳои эронӣ хабар додаанд, ки мушовири амнияти Ҳинд гуфтааст, ки силлоҳое, ки аз неруҳои амрикоӣ дар дасти гуруҳҳои террористӣ дар Афғонистон боқӣ мондаанд, таҳдиде ба амнияти кишварҳои ҳамсояи ин давлат хоҳанд буд.
Шомхонӣ ҳам гуфтааст, ки таҳаввулоти Афғонистон бояд дар дастури кори гуфтугӯҳои минтақаӣ бошад. Дабири Шӯрои амнияти Эрон ҳам бар ташкили ҳукумати фарогир таъкид кардааст ва гуфтааст, ки муҳоҷирати бисёри афғонҳо ба Эрон нишон медиҳад, ки ҳанӯз амнияти равонии лозим барои зиндагии одӣ дар ин кишвар эҷод нашудааст.
Дар ин нишасти Душанбе, котибони Шӯроҳои амниятии 8 кишвар: Русия, Чин, Эрон, Ҳиндустон, Қазоқистон, Қирғизистон, Тоҷикистон ва Ӯзбекистон ширкат ва вазъи кунинии Афғонистон ва роҳҳои кӯмак ба ин кишварро мавриди баррасӣ қарор хоҳанд дод.
Даври қаблии ин нишасти амниятӣ бо меҳварияти Ҳинд дар Деҳлии Нав баргузор шуда буд.
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Кулли ахбор
Авторизуйтесь, пожалуйста