Душанбе. 21-уми июн. «Азия-Плюс» — | Дар назди сафоратхонаи Тоҷикистон дар Лондон ба хотири пуштибонӣ аз рӯзноманигори ҳабсшудаи хабаргузории Би-Би-Си Ӯрунбой Усмонов дар шаҳри Хуҷанд як намоиши эътирозӣ доир гардид.
Созмондиҳандаи намоиши мазкур журналист Шаҳида Яъқуб гуфтааст, «сарфи назар аз даъватҳои кишварҳои аврупоӣ, ИМА ва як қатор созмонҳои журналистӣ, мутаассифона, ҳукуматдорони Тоҷикистон ҳамоно хомӯшанд ва рӯзноманигорро озод намекунанд».
Ба сафоратхонаи Тоҷикистон арзномаи оид ба ба дифоъ аз журналист бо имзои ҳудуди 300 нафар супурда шуд.
Ба ҳабс гирифтани рӯзноманигори хабаргузории Би-Би-Си дар шаҳри Хуҷанд вокуниши пурсарусадое дар ҷаҳон ба бор овард. Сафоратхонаҳои ИМА ва Британия дар Тоҷикистон, намояндаи САҲА оид ба озодии баён Дуня Миятович, созмони банулмилалии «Хабарнигорони бидуни марз», Кумитаи дифоъ аз ҳуқуқи журналистон ва ташкилоту созмонҳои журналистии Тоҷикистон дар робита ба ин қазия изҳорот интишор сохта, аз ҳукумати Тоҷикистон дархости риояи қонуну адолат ва озодии журналистро тақозо карданд.
Хотиррасон мекунем. ки хабарнигори хадамоти ӯзбекии радиои Би-Би-Си Урунбой Усмонов рӯзи 13 июн дар шаҳри Хуҷанд дастгир карда шудааст. Як рӯз баъд ВКД Тоҷикистон хабари зеринро интишор дод: «Урунбой Усмонов соли 2009 бо ихтиёри худ ба сафҳои «Ҳизб-ут-таҳрир» пайваста, ба воситаи Интернет дар вилоят ба тарғибу ташвиқи ғояҳои ҳизби мазкури экстремистӣ машғул шуда, варақаҳо ва китобҳои хосияти экстремистидошта паҳн карда, сокинони вилоятро ба узви «Ҳизб-ут-таҳрир» шудан даъват менамудааст».
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста