Душанбе. 22-юми июн. «Азия-Плюс» — | Натиҷаҳои пешакии маъракаи барӯйхатгирии аҳолӣ ва фонди манзил, ки тирамоҳи соли 2010-ум дар Тоҷикистон доир гардида буд, ҷамъбаст шуд.
Дар ҷараёни кори мизи мудаввар бахшида ба ин масъала сардори раёсати барӯйхатгирии аҳолии Агентии омори назди президенти Тоҷикистон Зебо Исмоилова гуфт, то ахири сол аз маълумоти дақиқ дар бораи шумораи аҳолӣ, таркиби синнусолӣ ва ҷинсияти он, таркиби миллӣ, сатҳи маълумотнокӣ, таносуби аҳолии шаҳру деҳот ва ғайра натиҷагирӣ хоҳад шуд.
З. Исмоилова мегӯяд, мутобиқи маълумоти пешакии барӯйхатгирии аҳолӣ, шумораи аҳолии Тоҷикистон нисбат ба маълумоти маъракаи барӯйхатгирии аҳолӣ дар соли 2000-ум ба миқдори 23% афзудааст. «Агар шумораи аҳолии доимии Тоҷикистон дар соли 2000-ум 6 млн. 127 ҳазор нафарро ташкил медод, пас айни замон шумораи аҳолии доимии Тоҷикистон то 7 млн. 565 ҳазор нафар афзудааст ва ин гувоҳи он аст, ки равандҳои рушд дар Тоҷикистон ба таври мутавозин сурат мегиранд», - гуфт ӯ.
Ба қавли мавсуф, сарфи назар аз афзоиши раванди муҳоҷирати аҳолии шаҳр ба хориҷи кишвар, дар давраи солҳои 2000-2010 шумори аҳолии шаҳрҳо дар Тоҷикистон ба миқдори 379 ҳазор нафар ё худ 23,3% зиёд шудааст. «Дар ин давра шумораи аҳолии деҳоти ҷумҳурӣ ба миқдори 1 млн. 59 ҳазор нафар афзуд», - гуфт ӯ.
Дар ҳамин ҳол, гуфта мешавад таносуби шумораи занону мардон дар ин давра тағийр ёфта, нисбат ба занон мардон бештар шудаанд. Мутобиқи маълумоти агентӣ, айни замон дар Тоҷикистон шумори мардон 3 млн. 813 ҳазор ва занон 3 млн. 752 ҳазор нафарро ташкил медиҳад, ки ба 1 ҳазор нафар мардон дар ҷумҳурӣ 984 занон рост меоянд.
Зимнан зикр гардид, ки натоиҷи ниҳоии маъракаи барӯйхатгирии аҳолӣ ва фонди манзили соли 2010-ум марҳила ба марҳила то соли 2013 ҷамъбаст карда хоҳанд шуд.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста