Барномасоз Рахматшо Бахтиёров портали донишҷӯии student.tj-ро таҳия кардааст. Он ба муассисаҳои таълимӣ имкон медиҳад, ки хидматҳои худро комилан рақамӣ кунанд, аз ҷумла тадриҷан аз ҳуҷҷатҳои коғазӣ даст кашанд.
То имрӯз ба ин иқдом Донишгоҳҳои тиббӣ ва аграрӣ, Колееҷи тиббии ҷумҳуриявӣ, инчунин Коллеҷҳои тиббии Хуҷанд ва ноҳияи Бобоҷон Ғафуров пайвастаанд.
Портали student.tj на танҳо як рӯзномаи электронист, балки журнали давомот ва ҷадвали дарсҳо низ мебошад. Он ҳамчунин ба таҳсили фосилавӣ ва санҷиши тести имтиҳонӣ имкон дода, рейтинги омӯзгорону донишҷӯёнро дар бар мегирад, ки ба гуфтаи Раҳматшо, албатта, онҳоро ба ҳамкориҳои судманд ҳавасманд месозад.
Ояндаи наздик дар дохили портал роҳандозии чати (майдони гуфтугӯ)-и ҷумҳуриявӣ дар назар аст, ки имкон медиҳад он як шабакаи хурди иҷтимоии донишҷӯён ҳисобида шавад. Ҳоло чат танҳо ба ҳайати профессорону омӯзгорон дастрас аст.
Ҳамчунин дар ҳамдастӣ бо Dushanbe City Донишгоҳи тиббӣ дар ҷараёни гузариш ба хидматрасониҳои рақамӣ ба ҳамаи донишҷӯён ба ивази корти донишҷӯӣ, ки боз ба сифати корти нақлиёт низ истифода мешаванд, кортҳои электронии донишҷӯӣ бо QR-рамз (код) дод.
Ба гуфтаи таҳиягари сомона, рӯйи портал як дастаи мукаммал кор мекунад. Онҳо ба Донишгоҳи тиббӣ хидматрасонӣ пешниҳод намуда, посухи мусбат гирифтанд ва ба бозори таълиму омӯзиш мустақилона роҳ ёфтанд.
“Сомона мудом дар ҳоли рушд қарор дошта, ояндаи наздик ба иқдоми мазкур дигар макотиби олии ватанӣ низ ҳамроҳ мешаванд”, - умедвор аст Раҳматшо.
Раҳматшо Бахтиёров соли 2011 ширкати “Аҷоибот”-ро таъсис дода, дар доираи он лоиҳаҳои гуногун роҳандозӣ мешаванд. Чанд сол пеш ӯ тасмим гирифт, ки барои донишҷӯён як сомона таҳия кунад. “О замон фикре доштам, ки ба кишвар нафъе расонам. Соҳаи маориф бошад, имкони беҳтарин барои расидан ба ин мақсад аст”, - мегӯяд ӯ.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Дар Петербург шаҳрванди Тоҷикистонро ба сафедкунии терроризм айбдор карданд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
Кулли ахбор
Авторизуйтесь, пожалуйста