Барномаи озуқавории ҷаҳонии СММ баҳри дастгирии тадбирҳои фаврӣ оид ба расонидани кумаки башардӯстона ба оилаҳои афғон, ки зимистони имсол ба гуруснагӣ дучор шуданд, ба фиристодани ғизо аз Тоҷикистон ба Афғонистон шурӯъ кард.
Нахустин қатораи 7 мошин аз анборҳои Созмон дар Душанбе ба вилояти Бадахшони Афғонистон дар шимолу шарқи ин кишвар равона шуд. Рӯзҳои наздик ҳудуди 2500 тонна орду гандум ба ин минтақа расонида шуда, аз ҷониби ниҳоди СММ барои амалиёти наҷот истифода хоҳанд шуд.
“Ҳамтоҳои Барномаи озуқавории СММ дар Афғонистон ба ҳама гуна дастгирии мо ниёз доранд, то ки пеш аз барфпӯш шудани роҳҳо, бахусус дар ноҳияҳои дурдаст ба мисли Бадхшон хӯрокворӣ омода кунанд”, - гуфтааст имрӯз дар маросими ирсоли кумак намоянда ва директори кишварии Барномаи озуқавории СММ дар Тоҷикистон Адҳам Мусаллам.
Дар ин маросим инчунин намояндагони Вазорати корҳои хориҷӣ ва Кумитаи ҳолатҳои фавқулодаи Тоҷикистон ҳузур доштаанд.
Адҳам Мусаллам дар симои онҳо ба ҳукумати Тоҷикистон барои дастгири мардуми Афғонистон дар ин лаҳзаи буҳронӣ изҳори миннатдорӣ кардааст.
“Истифодаи долон байни кишварҳо ба мо барои саривақт дастрас намудани ғизо ба Афғонистон тариқи гузаргоҳҳои марзӣ ёрӣ мерасонад”, - афзудааст вай.
Ӯ инчунин ба ҳукумати ҷумҳурӣ барои дастгирии Хадамоти ҳавоии башардӯстонаи СММ (UNHAS), ки аз ҷониби Барномаи озуқавории ҷаҳонии СММ идора мешавад, низ арзи сипос намудааст.
«Ҳоло парвозҳои мунтазам Душанберо бо Кобул ва дигар нуқтаҳои таъиноти Афғонистон мепайвандад ва барои тамоми ҷомеаи башардӯстона боз аст», - илова кардааст номбурда.
Қобили зикр аст, ки феълан дар Афғонистон буҳрони башарии бузургмиқёс ҷараён дорад. Барномаи озуқавории СММ ҳаҷми кумакро барои наҷоти ҳаёти одамон афзуда, аз оғози сол 14,8 млн нафарро бо ин кумак таъмин кард.
Лекин талабот хеле зиёд аст. Барои фарогирии 23 млн нафар аҳолӣ, ки ба хатари гирифторӣ ба гуруснагӣ дучоранд, ба Барнома дар як моҳ 220 млн доллар маблағ лозим аст.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста