Роҳи мошингарди Душанбе-Чанок бар асари фаромадани тармаҳо, ки айни замон ба тозакунии онҳо машғуланд, то ҳол баста аст, хабар доданд ба “Азия-Плюс” аз филиали ширкати IRS, ки масъули дар ҳолати коршоям нигоҳ доштан ва хидматрасонӣ дар ин роҳ аст.
“Кормандони IRS оқибатҳои тармафароиро бартараф намуда, роҳро бо маводи зиддилағзиш коркард мекунанд. Мо ҳамаҷониба кӯшиш карда истодаем, ки оқибатҳои тармафароиро бартараф намуда, ҳамин рӯз роҳро боз кунем”, - гуфт манбаъ аз ширкат.
Ба иттилои манбаъ, давоми шабонарӯз дар қитъаи аз 48 то 73-уми роҳ 13 тарма бо баландии аз 3 то 14 метр ва паҳноии то 200 метр аз роҳ тоза шудаанд.
Гуфта мешавад, кормандони филиал дар минтақаи Зарафшон ба ронандагон ва мусофироне, ки дар ин ҷо қарор доштанд, дар робита ба муваққатан басташавии роҳ хӯрокворӣ тақсим кардаанд.
“Шаҳрвандоне ҳастанд, ки вақте роҳ ба хотир амнияти онҳо баста мешавад, изҳори норозигӣ мекунанд ва мегӯянд, ки чун роҳ пулакӣ аст, бояд ҳамеша кушода бошад. Мо ҳам ҷонибори онем, ки автомшаинаҳо озодона дар ҳаракат бошанд. Лекин офатҳои табиӣ баъзан ба ин кор монеъа эҷод мекунанд. Раҳбарияти IRS бори дигар аз шаҳрвандон дархост мекунад, ки то эълони боз шудани роҳ ва ба хотири бехатарии худи онҳо, аз сафар худдорӣ кунанд”, - изҳор доштанд дар филиали IRS.
Ёдрас мекунем, ки аввали моҳи январ низ дар чанде аз қитъаҳои ин роҳ 14 тарма фаромада, ҳудуди 25 автомашина дар роҳ банд монда буданд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста