Рӯзи 26 июн дар майдони 800-солагии Маскав дар Душанбе Ҷашнвораи анъанавии 10-уми автомобилҳои қадима ва ретро-мусиқӣ  (Retro auto & Retro music Fest 2022)  баргузор шуд. Дар ҷашнвора ҳудуди 80 автомашинаи нодиру қадимаи истеҳсоли солҳои гуногун, модел ва навъҳои мухталиф ба маърази тамошо гузошта шуд.

Автомашинаҳои қадимае чун «Победа», «Москвич», «Волга», «Запорожец», «Лада», «Chevrolet», «Ford», «Mercedes-Benz», «Pontiac» ва «Volkswagen» мавриди таваҷҷуҳи тамошобинон қарор гирифтанд.

Яке аз автомашинаҳои сабукрави истеҳоли замон шӯравӣ ЗИС-110 ҷолиб буд, ки бо он Хрушёв дар кӯчаҳои Душанбе равуо карда буд. Автомашина барои маъюбон - “СМЗ" бошад, аз филми фильми «Операция «Ы» и другие приключения Шурика» ба ҳамагон шинос аст.


Ба сурати умум, ҳар кадоме аз автомобилҳои дар намоишгоҳ пешниҳодгардида намунаи шоистаи нақлиёти замони худ буд. Дар ҳамин ҳол, ҳамаи автомашинаҳо хеле тозаву озода буданд. Ҳолати онҳо хеле хуб буд, чунки моликони онҳо барои дар чунин ҳолати хуб нигоҳ доштани “аспҳои оҳанин”-и худ хеле зиёд кӯшиш ба харҷ медиҳанд!

Қобили зикр аст, ки намоишгоҳи автомобилҳои қадима танҳо як қисмате аз Фестивал буд. Қисмати дигари он консерти ситораҳои эстрадаи тоҷик шуд, ки бо суруду мусиқии гузаштаву муосири худ табъи тамошобинонро болида гардониданд.

Дар толори Фестивал ин шом гуруҳи “Авесто”, Ҳаётой Муминова, Хуҷаста, Мубориз Усмонов, Ҳабиб Ҳакимов ва Зафар Абдуалимов, овозхонони ҷавон - иштирокчии даври финалии озмуни Central Asia`s Got Talent Фаррух Ҳасанов ва ғолиби озмнуи вокалии Battle Of The Bands Фарахноз Саидова ҳунарнамоӣ карданд. Ҳозирини майдон ҳунармандони дӯстдоштаи худро бо кафкӯбиҳои зиёд истиқбол намудаву бо онҳо ҳамовозиву рақс карданд!

Дар танаффусҳо байни таронаҳо тамошобинон бо ровиёни радиои “Азия-Плюс” (107FM) – Орзу Исоев ва Андрей Соколов фаъолона муколама доштанд. Онҳо озмунҳо баргузор намудаву ҷоизаҳо тақдим намуданд ва меҳмононро ба толор даъват мекарданд.

1/15

Дар умум Фестивал шавқовару ҷолиб сурат гирифта, баргузории он ба туфайли дӯстони мо муяссар шуд. Шарики кулли Фестивал низоми интиқоли маблағи Contact мебошад. Ба туфайли ин низом садҳо ҳазор нафар тоҷикистониён имкон доранд, ки маблағи худро ба наздикони худ дар Тоҷикистон хеле осону қулай равон кунанд.

Шарики расмӣ шабакаи Нуқтаҳои фурӯши сӯзишвории “Газпромнефт” мебошад, ки ба мизоҷонаш дар сатҳи баланд хидматрасонӣ пешниҳод мекунад.

Дар Telegram, Facebook, Instagram, OK ва ВК бо мо бимонед.