Раиси ҷамъияти тоҷикон дар Новосибирск вакили рус дар Шӯрои ин шаҳрро “ба барангехтани кинаву адовати миллӣ” муттаҳам мекунад.
Минҳоҷиддин Каримов, раҳбари Созмони фарҳангии тоҷикон ва узви раҳбарони Шӯрои машваратӣ оид ба масоили фарҳангӣ ва байниқавмӣ дар назди шаҳрдори Новосибирск, мегӯяд, бояд пеши роҳи иғвоангезиҳои Ростислав Антонов гирифта шавад. Ҷузъиёти баҳсро Радиои Озодӣ нашр кардааст.
Баҳси Каримов бо вакили рус аз он оғоз шуд, ки Антонов раиси ҷамъияти тоҷикони Новосибирскро барои бетарафӣ дар қазияи куштори духтари рус аз сӯйи шаҳрванди Тоҷикистон танқид кард.
Ӯ аз мақомоти Русия талаб кардааст, ки созмони фарҳангии тоҷиконро маблағгузорӣ накунад.
Каримов гуфтааст, ҳеҷ маблағе аз мақомоти Русия дарёфт накардааст ва ба ҷуз аз бархе барномаҳои давлатӣ тамоми иқдомҳои дигари созмон бо пули худи тоҷикони Новосибирск аст.
Охири моҳи июл дар шаҳри Новосибирск шаҳрванди Тоҷикистон бо корд собиқ дӯстдухтари худро кушт. Дар ин робита мақомоти пулис шаҳрванди Тоҷикистон Хушнуд Ҳамроевро боздошт ва ба ҳабс гирифт.
Ростислав Антонов гуфтааст, раиси ҷамъияти фарҳангии тоҷикон, барои ин амали ҳамватанаш аз хонаводаи духтари кушташуда узр напурсид.
Минҳоҷиддин Каримов ин ҷиноятро маҳкум карда иброз доштааст, ки вокуниш ба ин қазия, ки ҳанӯз таҳқиқаш анҷом наёфтааст, дар салоҳияти онҳо нест. Дар ҳар сурат Каримов гуфт, аз модари духтари фавтида маъзарат хостааст.
Ба гуфтаи ӯ, бори аввал нест, ки вакили рус бо чунин баёнияҳо кӯшиши барангехтани кинаву адовати миллӣ мекунад ва бо ин роҳ мехоҳад таваҷҷӯҳ ба худро бештар кунад.
Минҳоҷиддин Каримов, узви Шӯрои машваратии байниқавмӣ ва милӣ дар назди шаҳрдори Новосибирск ва муовини ҷамъияти иттиҳоди созмонҳои кор бо муҳоҷирон аст.
Каримов мегӯяд, тасмим дорад пешниҳод кунад, ки масъулини шаҳрдори Новосибирск ва шӯроҳо дар ҷаласае рафтору баёнияҳои ба қавли ӯ иғвоангезонаи Антоновро муҳокима кунанд.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста