Ҳукумати Афғонистон имрӯз, сешанбеи 3-уми ноябрро бар пайи ҳамлаи хунини рӯзи гузашта ба Донишгоҳи Кобул рӯзи Мотами миллӣ эълон кардааст. Ба иттилои шабакаи телевизиони “Тулуънеюс”, дар ин ҳамла 19 нафар куштаву 22 тан захмӣ шудааст, ки аксари онҳо донишҷӯёни ин донишгоҳ мебошанд. Масъулияти ин ҳамларо гуруҳи террористии ДИИШ ба дӯш гирифтааст.
Сиддиқ Сиддиқӣ, сухангӯи раисҷумҳури Афғонистон дар саҳфаи Твиттераш навиштааст, ки “ба тамоми вилоятҳо ва намояндагиҳои сиёсии Афғонистон дар берун аз кишвар дастур медиҳад то бар пояи маросимҳои сӯгворӣ ва хатми Қуръони азимушаън азодорӣ намоянд”.
Раисҷумҳури Афғонистон Ашраф Ғанӣ шоми душанбе, дар як суханронии телевизионӣ ин ҳамларо маҳкум кард ва онро ҷиноят алайҳи башарият номид ва гуфт, "интиқоми ин ҳамларо чанд баробар хоҳем гирифт".
Ӯ дар ин суханронияш гуфт: "Ба Толибон ва ба ҳама гуруҳҳои террористӣ мегӯям, ки шумо бо ин амалҳоятон иродаи мардуми Афғонистонро идора карда наметавонед. Душманони Афғонистон ва ҷонибдорони онҳо бояд бидонанд, ки мо ҳеҷ гоҳ дар баробари ваҳшату золимӣ сар хам накардаем. Ман ба тавоноӣ ва ҷасорати нерӯҳои амниятӣ боварӣ дорам”.
Ба иттилои расонаҳои Афғонистон, сухангӯи гуруҳи Толибон ин ҳамларо маҳкум карда, даст доштани гуруҳро дар ин ҳамла рад кардааст.
Афроди мусаллаҳ дирӯз, тахминан соати 12 бо вақти маҳаллӣ ба Донишгоҳи Кобул, ба як маросими китоб ҳамла карданд. Даргириҳо миёни муҳоҷимон ва пулис шаш соат идома кардааст.
Ба иттилои расонаҳо, дар як даҳаи ахир ин дувумин ҳамла ба марказҳои омӯзишӣ дар Кобул аст. Ҳафтаи пеш як муҳоҷими интиҳорӣ ба як маркази омӯзишӣ дар ғарби Кобул ҳамла карда буд, ки дар он ҳодисаи террористӣ 30 тан ҷон бохтаву 80 тани дигар захмӣ шуда буданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Кулли ахбор
Авторизуйтесь, пожалуйста