Муҳаммадаъзам Раҳнаварди Зарёб, нависандаи пуровозаву маъруф ва аз донишмандони мумтози забони форсӣ дар Афғонистон, имрӯз дар Кобул баъди чанд ҳафтаи беморӣ дар сини 77-солагӣ даргузашт. Дар ин бора расонаҳои Афғонистон бо такя ба пизишке, ки нависандаро муолиҷа мекард, хабар додаанд.
Раҳнаварди Зарёб солҳои ахир дар телевизиони "Тулуъ" дар Кобул кор мекард. Раиси шабакаи "Тулуънеюс" Лутфулло Наҷафизода ба "Би-Би-Сӣ" гуфтааст, ки Зарёб ҳафтаҳои гузашта ба куруно мубтало шуда буд ва саранҷом имшаб бар асари ин беморӣ даргузашт.
Раҳнаварди Зарёб яке аз достоннависҳои маъруфу матраҳи Афғонистон буд, ки дар Эрону Тоҷикистон ҳам хонандагони зиёде бо осору корҳои ҳунарии ӯ ошноии зиёд доранд.
Зарёб соли 1324 (1945 милодӣ)-и хуршедӣ дар Кобул таваллуд шудааст. Падараш аз аҳли Ғазнӣ ва модараш аз шимоли Афғонистон буд. Ӯ хатмкардаи риштаи рӯзноманигории Донишгоҳи Кобул ва давраи магистратураи риштаи рӯзноманигории Донишгоҳи Вилзи Ҷанубии Бритониё буд.
Раҳнаварди Зарёб пас аз адои хидмати сарбозӣ дар нашрияҳое чун "Жвандун", "Ислоҳ-Анис", "Aryana" (ба инглисӣ) ва чанде дигар ба унвони хабарнигор ва сардабир кор кардааст. Баъдҳо масъули бахши достоннависии Иттиҳодияи нависандагони Афғонистон ва раиси ин Иттиҳодия кор кардааст.
Ин нависандаи маъруф баъди суқути режими "Толибон", хонаводаашро дар Париж гузошта ба Афғонистон баргашт. Дар замони ҳукумати аввали Ҳомид Карзай мушовири вазорати иттилоот ва фарҳанги Афғонистон буд, ки баъдҳо аз ин мақом истеъфо кард. Солҳои ахир дар гуруҳи расонаҳои "Тулуъ" ба унвони виростор ё муҳаррири бахши забон буд.
Зарёб аз пуркортарин нависандаҳои солҳои ахири Афғонистон дониста мешуд, ки садҳо достону роман навиштааст. Бархе аз достонҳои кӯтоҳи ӯ дар маҷмӯаҳои "Овозе аз миёни қарнҳо", "Марди кӯҳистон", "Дӯсте аз шаҳри дур" ва "Нақшҳо ва пиндорҳо" чоп шудаанд.
"Шаҳри тилисмшуда", "Марде, ки сояааш таркаш кард", "Ва борон меборид", "Морҳои зери дарахтони санҷид", "Гулнор ва ойина", "Кока шашпар ва духтари Шоҳи Париён", "Шӯрише, ки одамизодагон ва ҷонваракон барпо карданд" ва осори зиёди пажуҳишӣ аз корҳои мондагори ин достоннависи варзида дониста мешаванд.
Ҳамсари Раҳнаварди Зарёб Спужмай Зарёб ҳам аз нависандаҳои номдори Афғонистон аст. Онҳо се фарзанд доранд ва хонаводашон дар Париж зиндагӣ мекунад.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста