Ҳомид Карзай, раисҷумҳури пешини Афғонистон бо нашри як изҳорот дар саҳфаи расмии расмияш дар Фейсбук, хабар дод, ки баъди фирори Ашраф Ғанӣ аз кишвар, Шӯрои ҳамоҳангии интиқоли мусолиматомез дар Афғонистон ташкил шудааст.
Бино ба ин изҳороти Карзай, дар раъси ин шӯро, Абдуллоҳ Абдуллоҳ, раиси Шӯрои олии мусолиҳаи миллии Афғонистон, Гулбиддин Ҳикматёр, раиси ҳизби исломии Афғонистон ва Ҳомид Карзай қарор доранд.
Каразй дар ин изҳорот мегӯяд, ки ин шӯро "ба манзури ҷилавгирӣ аз ҳарҷу марҷ ва коҳиши дарду ранҷи мардум ҷиҳати ҳарчи беҳтари идораи умури сул ва интиқоли мусолиматомез" ташкил шудааст.
Тибқи баъзе хабарҳо ҳоло Арги раёсатҷумҳурии Афғонистон дар дасти неруҳои амрикоӣ аст ва амрикоиҳо неруҳои амниятӣ ва нигаҳбонии Ашраф Ғаниро мунҳал ва ба хонаҳояшон ҷавоб додаанд.
Бино ба изҳороти Карзай, ин "Шӯро аз неруҳои амниятии ҳукумат ва неруҳои амниятии таҳрики исломии Толибон мехоҳад, ки бо ҳифзи хештандорӣ ҷилави даргириҳо, ҳарҷу марҷу таҳрикоти афроди мусаллаҳи ғайри масъул ва ғайримуртабитро қотеъона бигирад".
Ташкили ин шӯро дар ҳолест, ки раҳбарии "Толибон" гуфтанд, ки баъди фирори Ашраф Ғанӣ, ба неруҳояшон дастур доданд, ки ба Кобул ворид шаванд ва пеши роҳи дуздиву ҳарҷу марҷро бигиранд ва вазъиятро котрол кунанд.
Толибон дар як баёния аз неруҳояшон хостаанд, ки вориди Кобул шаванд ва вазъиятро таҳти контрол бигиранд.
Ба иттилои BBC Dari Забеҳуллоҳ Муҷоҳид, сухангӯи Толибон гуфт, азбаски нирӯҳои амниятӣ қисматҳои шаҳри Кобул ва гузаргоҳҳои онҳоро тарк кардаанд, нирӯҳои Толибон барои пешгирии бесарусомонӣ ва ғорат ба ин минтақа ворид мешаванд.
Толибон дар ин баёния аз мардум даъват кардаанд, ки аз Толибон натарсанд ва ҳарос надошта бошанд.
Ашраф Ғанӣ раисҷумуҳури Афғонистон, имрӯз бидуни эълони истеъфояш Афғонистонро тарк кард. Як манбаъ аз Арки Кобул ба "Азия-Плюс" гуфт, ки Ғанӣ аввал ба Тоҷикистон ва сипас ба кишвари сеюм рафт.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста