Дирӯз, 6 октябр дар нишасти вижае дар порлумони Фаронса бархе аз вакилон ваъда кардаанд, ки аз Ҷабҳаи муқовимати миллӣ, ки дар раъси он Аҳмад Масъуд қарор дорад, ҳимоят хоҳанд кард.
Дар ин бора масъули равобити хориҷии Ҷабҳаи муқовимати миллӣ Алӣ Майсам Назарӣ дар саҳифаи “Твитер”- и худ хабар додааст.
Мавсуф менависад, ки дар ин ҷаласа перомуни Ҷабҳаи муқовимати миллӣ ва вазъияти Афғонистон мубодилаи афкор сурат гирифт ва дар он муовини раиси порлумон ва 15 вакил ширкат доштанд.
“Ҳамаи онҳо ваъда супурданд, ки порлумони Фаронса аз муборизаи Ҷабҳаи муҷовимати миллии Афғонистон ва раҳбари он Аҳмад Масъуд барои озодӣ ва демократия дар Афғонистон ҳимоят хоҳанд кард”, - навиштааст Алӣ Майсам Назарӣ.
Дар бораи баргузори ҷаласа, ҳамчунин яке аз вакилони парлумони Фаронса бо номи Eric Ciooti низ дар саҳифаи “Твитер” - аш хабар додааст. Ӯ Алӣ Назарӣ Майсамро ба маҷлис пазироӣ кардааст
Heureux de recevoir à l’Assemblée nationale aux côtés d’@AnnieGenevard, vice présidente de notre assemblée et de mes collègues parlementaires, @alinazary, représentant d’@AhmadMassoud01 et responsable des relations extérieures du Front de résistance nationale d'#Afghanistan. pic.twitter.com/IfgBAZ7XLG
— Eric Ciotti (@ECiotti) October 6, 2021
Ҳимояи бархе аз вакилони парлумони Фаронса дар ҳолест, ки бо даъвати раисҷумҳури Фаронса Эммануэл Макрон рӯзи 13 октябри соли равон раисиҷумҳури Тоҷикистон Эмомалӣ Раҳмон бо як сафари расмӣ ба Фаронса меравад.
Аз ин пештар, Эмомалӣ Раҳмон ҳамроҳи Эммануэл Макрон зимни суҳбати телефонӣ мушкилоти Афғонистон ва рушди кунунии вазъи буҳронии ин кишварро марвиди баррасӣ қарор дода буданд.
“Зимни суҳбати телефонӣ ҳарду роҳбарони давлат вобаста ба вазъ дар Афғонистон нигаронии амиқ зоҳир карда, роҷеъ ба ҳолати паноҳандагони афғон ва инчунин, оқибатҳои ба сари ҳокимият омадани “Толибон” дар Кобул табодули афкор намуданд”, навишта буданд расонаҳои Фаронса.
Президенти Тоҷикистон ба президенти Фаронса дар бораи чораҳои андешидаи ҷониби Тоҷикистон ҷиҳати таҳкими амнияти сарҳади Тоҷикистон бо Афғонистон дар робита ба якбора бад шудани вазъ дар Афғонистон пас аз хуруҷи нерӯҳои эътилоф аз ин кишвар маълумот дод.
Ҳоло маълум нест, ки дар сафари худ Эмомалӣ Раҳмон бо раисҷумҳури Фаронса ва ё парлумони он масъалаи вазъи Афғонистон ва кӯмак ба дараи Панҷшер, ягона минтақае, ки то ҳол зери тасарруфи “Толибон” (ҳаракати фаъолияташ дар Тоҷикистон мамнӯъ) нагузаштааст, баррасӣ мекунад ё не.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста