Иёлоти Муттаҳидаи Амрико баро маълумоте, ки ҷиҳати дастгир кардан ё нобуд сохтани роҳбари гурӯҳи террористии ДОИШ-Хуросон Саноуллоҳ Ғаффорӣ, маъруф бо номи Шаҳоб ал-Муҳоҷир кумак мекунад, 10 млн доллар мукофотпулӣ пешниҳод кард. Маълумоти марбутаро дар ин бора Департаменти давлатии ИМА нашр кард, менависад Фергана.
Бино ба маълумоти хадамоти махсуси амрикоӣ, Ғаффорӣ ДОИШ-Хуросонро моҳи июни соли 2020 ба роҳбарӣ гирифт. Маҳз ӯро гунаҳкори ҳамлаи террористӣ дар назди фурудгоҳи Кобул, ки 26 августи соли гузашта ҳангоми аз ҷониби низомиёни хориҷӣ аз Афғонистон кӯчонидани хориҷиён ва афғонҳо рух дод, гунаҳкор медонанд. Он замон бар асари худро таркондани як маргталаб қариб 170 шаҳрванди Афғонистон ва 13 низомии артиши ИМА ҳалок шуданд.
Рӯзи 4 феврал вазорати дифои ИМА наворҳои ҳавопаймои бесарнишинро аз ҳамлаи рӯзи 26 август нашр кард. Ба гуфтаи ин вазорат, бар асоси таҳлили ин маълумот, низомиён ба ин натиҷа расидаанд, ки танҳо як инфиҷори худкушӣ сурат гирифтааст, ҳарчанд дар аввал зикр шуда буд, ки ду бомбгузори маргталаб дар наздикии фурудгоҳ худро таркондаанд.
Пас аз ин ҳамлаи террористӣ артиши ИМА дар вилояти Нангарҳори шарқи Афғонистон тариқи ҳавопаймои бесарнишин зарбаи ҳавоӣ анҷом дод. Ба гуфтаи низомиён, ба ин васила муяссар шуд, ки ду намояндаи воломақоми ДИИШ- Хуросон, ки бевосита дар омодасозии ҳамла дар наздикии фурудгоҳи Кобул даст доштанд, нобуд карда шаванд.
Моҳи ноябри соли гузашта ИМА нисбат ба Ғаффорӣ ва чандеи дигар аз роҳбарони филиали “Давлати исломӣ” (ДОИШ) дар Афғонистон таҳримҳо ҷорӣ кард.
Қобили зикр аст, ки ин гурӯҳи террористӣ бар зидди ҷангиёни ҳаракати тундгарои “Толибон” ва аҳолии осиштаи Афғонистон фаъолона меҷангад ва амалҳои террористӣ анҷом медиҳад, ки аз онҳо бахусус намояндагони мардуми ҳазораи мазҳаби шиъа осеб мебинанд.
Шохаи "Хуросон"-и ДОИШ дар аввали соли 2015 дар вилояти Нангарҳори Афғонистон пайдо шуда, фаъолиятҳояш дар вилоятҳои Кунар ва Ҷузҷон густариш дод. Фаъолиятҳои ин гуруҳ дар соли 2016 дар пайи амалиёти низомиёни Амрико ва афғон суст шуда буд.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста