Муҳаммад Зоҳири Ағбар, Сафири Афғонистон дар Тоҷикистон иддаои Ашраф Ғанӣ, раисҷумҳури собиқи ин кишварро, ки гуфт, "бар асоси қонуни асосӣ раисҷумҳур будам, то замоне ки мардуми Афғонистон ба сурати қонунӣ қудратро ба каси дигаре вогузор кунанд, раисҷумҳур ҳастам” рад карда, изҳор дошт, ки бинобар қонуни асосии Афғонистон раисҷумҳур агар фирор кунад, вазифаи он ба зиммаи муовини ӯ вогузор мешавад ва дар ин асос, Амруллоҳ Солеҳ ҳоло сарпарасти мақоми раисҷумҳур Афғонистон аст.
Ӯ, имрӯз, 12 август дар як суҳбати ихтисосии худ бо “Азия-Плюс” афзуд, ки агар Ашраф Ғанӣ мегуфт, “ман раисҷумҳури бадарғашудаи Афғонистон ҳастам” дуруст буд.
Зоҳири Ағбар ҳамчунин, ба “бо як воскату чанд даст либос” фирор кардани Ашраф Ғанӣ бовар надорад ва таъкид мекунад, ки “агар Идораи бозрасии вижаи Амрико барои бозсозии Афғонистон (SIGAR) ошкор кард, ки ӯ бо як миллион доллар аз ин кишвар фирор кард, пас ин ҳам дуздӣ аст ва ӯ бояд дар назди қонун ҷавоб диҳад”.
-Ашраф Ғанӣ қаблан дар як тафоҳум омодагии таслими қудратро дошт ва пулҳоро ба тадриҷ сирқат кардааст. Таҳқиқ муайян кардааст, ки аз Бонки миллии Афғонистон болотар аз 400 млн. доллар гум шудааст аст. Аснодаш ҳаст, вале худи пул вуҷуд надорад,- мегӯяд ҷаноби Зоҳири Ағбар.
Муҳаммад Зоҳири Ағбар дар робита ба иддаои дигари Ашраф Ғанӣ, ки аз Абдуллоҳ Абдуллоҳ, раиси вақти Шӯрои олии мусолиҳаи миллии Афғонистон интиқод карда, ӯро "масъули адами таҳкими ҷумҳурият" номидааст, гуфт, ин “худсафедкунӣ ва ба дӯши каси дигар вогузор кардани масъулият аст. Абдуллоҳ Абдуллоҳ дар ин шикаст нақше надорад, чунки масъулияте дар ҳукумат надошт”.
Ба андешаи Зоҳири Ағбар қудрати кулл, яъне ҳамаи пул, нерӯҳои низомӣ, қарордодҳои иқтисодӣ, намояндагиҳои хориҷӣ, қувваҳои ҳавоӣ дар дасти Ашраф Ғанӣ буд ва маҳз бемасъулиятии ӯ сабаб шуд, ки ҳукумати қонунии Афғонистон суқут кунад.
-Ашраф Ғанӣ мегӯяд, ки дасташ ба хуни мардум олуда нест, аммо панҷоҳ ҳазор афғонистонӣ маҳз бо айби ӯ ва “Толибон” кушта шуданд. Ғанӣ як миллатии бузургро дар мотам шинонд, Афғонистон ва тамоми зербиноҳои ин кишварро нобуд сохт, - гуфт сафир.
Ба иддаои Зоҳир Ағбар мусоҳибаи мазкур дар ҳамоҳангӣ бо худи ӯ таҳия шуда, сохтакорӣ мебошад ва ҳадафи он ба зиммаи Залмай Халилзод ё Абдуллоҳ Абдуллоҳ вогузор кардани масъулият ва суқути давлат мебошад.
Ёдовар мешавем, ки ду рӯз пеш, Ашраф Ғанӣ дар як мусоҳибаи ихтисосӣ бо шабакаи телевизионии ABN гуфт, ки "то замоне ки мардуми Афғонистон ба сурати қонунӣ қудратро ба каси дигаре вогузор накунанд, раисҷумҳур ҳастам”. Ҳамчунин, ӯ сирқати пули нақдро рад карда, боз ҳам тамоми масъулияти суқути низоми давлатро аз дӯйи худ соқит ва ба зиммаи муттаҳидону шарикони сиёсии хешро вогузор намуд.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста