Вонг Ю, сафири Чин дар Кобул зимни нишасти хабарӣ гуфтааст, ки кишвараш ҳамчун як ҳамсоя ва ҳамкори хуб бо Афғонистон дар заминаҳои гуногун фаъолияти муштарак дорад ва дар оянда равобити худро бо ҳукумати Афғонистон густариш хоҳад дод.
Ба иттилои шабакаи телевизионии “Тулӯъ-нюз” сафир дар нишасти хабарӣ гуфтааст: “Чин ҳамчун як ҳамсоя, бародар ва шарики хуб, бо таваҷҷуҳ ба пешниҳодҳои рушд ва амнияти байналмилалӣ, дар сохтани ҷомеае бо сарнавишти муштарак барои башарият, ҳамкориҳои худро бо Афғонистон дар бахшҳои мухталиф густариш медиҳад. Чин ҳамроҳ бо афғонҳои заҳматкаш, талошҳои муштаракро барои сулҳ, субот ва рушд дар Афғонистон анҷом хоҳад дод”.
Ба гузориши манбаъ, ин дипломати чинӣ аз ҳузури 20 - солаи Амрико дар Афғонистон интиқод карда, зикр намудааст, ки Амрико дар Афғонистон мушкил эҷод кард ва пас аз хурӯҷ аз ин кишвар, ҳеҷ кӯмаке ба афғонҳо накард.
"Амрико фақат барои манофеъи худ кор мекунад. Ҷанги 20 - солаи Афғонистон, ки Амрико шурӯъ кард, натанҳо имкони рушди иҷтимоӣ ба ин кишвар надод, балки зерсохтҳои Афғонистонро ба шиддат тахриб кард. Ҳоло иқтисоди Афғонистон дар ҳоли рукуд аст ва афғонҳо дар шароити сахт зиндагӣ мекунанд" – гуфтааст Вонг Ю.
Сафир дар мавриди аз ҷониби Чин ба расмият шинохтани ҳукумати Толибон* ҳарфи дақиқе нагуфта, тазаккур додааст, ки дақиқан аз шеваи бархӯрди Амрико бо Афғонистон пайравӣ нахоҳад кард.
*Дар Тоҷикистон гурӯҳи террористӣ эътироф шудааст
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста