Вазорати меҳнат, муҳоҷират ва шуғли аҳолии Тоҷикистон дуюмин мақомоте ҳаст, ки аз муҳоҷирони тоҷик даъват кард то ба ҷанг нараванд. Қаблан сафорати Тоҷикистон дар Русия бо ин мазмун изҳорот дода буд.
Дар изҳороти вазорати меҳнат, ки имрӯз, 23 сентябр нашр шуд, гуфта мешавад, ки фармони президенти Русия «Дар бораи эълони қисман сафарбаркунӣ дар Федератсияи Россия» танҳо барои шаҳрвандони Русия амал мекунад ва ба шаҳрвандони Ҷумҳурии Тоҷикистон татбиқ намегардад.
Ин ниҳод ҳушдор додааст, ки кирдори мазкур тибқи моддаи 401 –и Кодекси ҷиноятии Тоҷикистон ҷавобгарии ҷиноятӣ ва маҳрум сохтан аз озодӣ ба муҳлати аз 12 то 20- солро пешбинӣ менамояд.
Вазорат, моддаи мазкурро аз Кодекси ҷиноятӣ иқтибос оварда гуфтааст, барои гирифтани маълумоти бештар шаҳрвандони кишвари мо метавонанд ба намояндагии ин вазорат дар шаҳрҳои Маскав, Санкт-Петербург, Краснодар, Уфа ва Екатеринбурги Русия муроҷиат кунанд.
Ин ниҳод, телефонҳои намояндагии Тоҷикистонро дар шаҳру навоҳии Русия овардааст, то муҳоҷирон барои дарёфти иттилои бештар ё мушкилот муроҷиат намоянд:
Ҳавзаи федералии марказӣ (Москва)
+7(495)967-98-44
+7(967)271-02-02
+7(965)724-90-21
+7(910)443-63-35
Ҳавзаи федералии ҷануб (Краснодар)
+7(901)344-77-77
Ҳавзаи федералии шимолу ғарбӣ (Санкт-Петербург)
+7(964)373-75-01
Ҳавзаи федералии Приволжий (Уфа)
+7(966)031-22-22
Ҳавзаи федералии Урал (Екатеринбург)
+7(982)739-89-98
Ёдовар мешавем, ки дирӯз, Владимир Путин дар Русия қисман сафарбаркунии ҳайати захираҳои ҳарбиро эълон кард, ки тибқи он 300 ҳазор нафар ба сафи артиши ин кишвар ҷалб мегардад.
Дар баробари ин, Думаи давлатии Русия тарҳи қонунеро қабул кард, ки тибқи он шаҳрвандони хориҷӣ метавонанд бо адои хидмат дар сафи артишиин кишвар, дар як сол, бо тартиби соддакардашуда, шаҳрвандии Русияро соҳиб шаванд.
Дар робита ба ин, бино ба навиштаи сомонаи расмии ҳукумати шаҳри Маскав, дар Маркази муҳоҷирати Сахарово барои қабули шаҳрвандони хориҷӣ ба хизмат дар сафи артиши Русия зерсохтори мукаммали мусоидати Вазорати мудофиа роҳандозӣ шуд.
Пыль из Сахары окрасила греческие Афины в оранжевый цвет
Huawei и «Коиноти нав» открыли первый в Таджикистане авторизованный учебный центр
В 2050 году население Центральной Азии превысит 100 миллионов человек. Что нас ждет?
Раиси: «От израильского режима ничего не останется, если он еще раз нападет на Иран»
Из озера в Душанбе извлекли тело молодого человека
Суд в Москве ужесточил наказание для таксиста, уроженца Таджикистана, по делу о госизмене и контрабанде
В Афганистане произошло громкое убийство влиятельного функционера «Талибан». Говорят, это послание всей группировке
В Исфаре селевой поток подтопил подвалы домов и подсобные помещения
В Душанбе открыли новый турецкий ресторан Antephan
Замминистра обороны России Тимура Иванова задержали по делу о взятке
Все новости
Авторизуйтесь, пожалуйста