Имрӯз, 22-юми июл аз куштори Ҳувайдо Тиллозодаи 5-сола, ки дар шаҳри Серпуховои Русия бераҳмона кушта шуд, 2 сол сипарӣ гардид. Аммо то ҳол гумонбари қатли ӯ маҳкум нашудааст.
Абдусалом Саидов, падари Ҳувайдо ба “Азия-Плюс” гуфт, ки тӯли ин солҳо мунтазири маҳкум шудани қотили фарзандаш аст ва танҳо баъд аз ҳукми додгоҳ ба Тоҷикистон назди ҳамсару фарзандонаш баргашта метавонад.
Вай афзуд, ки дар беморхонаи равонӣ қарор доштани Александр Сёмин, қотили Ҳувайдо сабаби то ҳол ҷазо нагирифтанаш ва тамдид шудани мурофиаи додгоҳӣ мебошад.
“То нисбат ба Сёмин додгоҳ ҳукм набарорад, ман наметавонам ба ватан баргардам. Аз сабаби пандемия дар ҷаҳон гарчанде имрӯз ба мушкилоти зиёди молиявӣ дучор шудаам, вале то охирин лаҳза бояд ин ҷо бошам”, - изҳор дошт падари Ҳувайдо.
Ҳамзамон аз Сафорати Тоҷикистон дар Русия ба ӯ гуфтаанд, ки то охирин фурсат дар паҳлӯяш ҳастанд. Ӯ ҳамарӯза бо ҳимоятгараш дар тамос аст ва мурофиаи додгоҳии навбатиро мунтазиранд.
Шавкат Умаров, ҳимоятгари Саидов дар суҳбат ба “Азия-Плюс” гуфт, Александр Сёмин дар беморхонаи касалиҳои рӯҳӣ қарор дорад, аммо айни замон парванда қатъ карда нашудааст ва тафтишот идома дорад.
“Сёмин ҳамчун гумонбар боздошт гардидааст, аммо то ҳол айбдорӣ ба ӯ расман эълон карда нашудааст. Ҳоло аз беморхона ҷавоб шудан ва ба суолҳои мо посух гуфтани ӯро интизорем. Дар моҳи август боз як комиссияи дигар баргузор мешавад, ки ҳар 6 моҳ доир мегардад. Дар он аз вазъи саломатии гумонбар маълумот медиҳанд ва дар ҳолати хуб буданаш тафтишот дубора оғоз мешавад. Мо тамоми вазъиятро назорат мекунем. Сёмин наметавонад муддати тӯлонӣ дар беморхонаи рӯҳӣ бимонад. Мо ҳамаи маводи лозимаро ҷамъоварӣ кардаем ва то охирин нафас барои адолат ҳамроҳи падари духтарак талош мекунем”, - изҳор дошт Умаров.
Ёдовар мешавем, ки Ҳувайдо Тиллозода рӯзи 22-юми июли соли 2018 аз майдончаи назди хонаашон дар шаҳри Серпухово нопадид шуд ва рӯзи дигар ҷасади ӯро дар борхалтаи варзишӣ пайдо карданд. Дар ин ҳодиса Александр Сёмин муттаҳам шуд, ки дар ҳамсоягии онҳо мезист.
Куштори Ҳувайдо аз пурсарусадотарин қазияҳо буд. Ин фоҷиа муҳоҷирони тоҷик ва ҷомеаи Русияро такон дод. Ҷониби Тоҷикистон бо ирсоли нота аз мақомоти Русия таҳқиқи мунсифонаи ин қазияро дархост кард. Шӯрои ҳуқуқи инсон дар назди президенти Русия изҳор дошт, ки барои ҷазо гирифтани қотили ин кӯдаки 5-солаи тоҷик шубҳае нест.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Генсек ОДКБ: В Центральной Азии растет вероятность приграничных конфликтов за ресурсы, в первую очередь за воду
В Таджикистане всех родственников Фаридуна Шамсиддина забрали, сестру из России депортировали
Гражданина Таджикистана в России обвинили в оправдании теракта в «Крокусе»
Что мешает экономике Таджикистана стать «свободной»?
В $100 миллиардов оценил Reuters потери ушедших из России компаний
В Кыргызстане бывшего таможенника Матраимова и его братьев отправили в СИЗО
Как и почему «Исламскому государству» удается вербовать мигрантов из Центральной Азии
В Узбекистане мозаики внесены в список объектов культурного наследия
Минтруд России предложил назначить госоператора для оргнабора мигрантов
Серенко: о готовящихся терактах в России Москву предупреждали полгода назад
Все новости
Авторизуйтесь, пожалуйста
Jon22 июля, 2020 14:29
befoidaaj hamai zurzanit, ura sar metian i kallazardo insof nadoran