Саид Ёқубзод раиси ноҳияи Абдураҳмони Ҷомӣ, ки дар ду нишасти хабарӣ дар соли равон аз қарздории ширкатҳои Алимардонов хабар дода буд, имрӯз аз вазифа озод шуд.
Як манбаъ дар мақомоти иҷроияи ҳокимияти давлатии ноҳияи Абдураҳмони Ҷомӣ ба “Asia-Plus” хабар дод, ки айни замон фаъолони ноҳия дар толори мақомоти иҷроияи ҳокимияти давлатӣ ҷамъ карда шудаанд ва интизори муарифии раиси нав ҳастанд. Ин манбаъ ҳамчунин гуфт, ки ба ҷойи Саид Ёқубзод муовини аввали раиси ноҳия Сафар Раҳимзода иҷрокунандаи раиси ноҳияи Абдураҳмони Ҷомӣ таъин карда шудааст.
Бояд гуфт, ки Саид Ёқубзод 5 майи соли 2019 ба вазифаи раиси ноҳияи Абдураҳмони Ҷомӣ таъин шуда буд.
Ҳамчунин як манбаъ аз мақоимоти иҷрояи ҳокимияти давлатии ноҳияи Хуросон хабар дод, ки Раҳматулло Сафарзода, раиси ин ноҳия низ аз вазифа озод шудааст. Ба ҷои ӯ муовини аввали раис Илҳом Аҳмадзода иҷрокунандаи вазифаи раиси ноҳия таъин карда шудааст.
Ғайр аз ин ба вазифаи и.в раиси шаҳри Норак, ки раиси акунун собиқи шаҳр Маликшо Неъматзода дирӯз раиси Федератсияи иттифоқҳои касабаи мустақил интихоб шуд, Дилшод Асозода таъин гардид.
Ёдовар мешавем, ки Саид Ёқубзод дар нишастҳои хабариаш аввалин шуда аз напардохтани андозҳо аз ҷониби ширкатҳои Муродалӣ Алмиардонов ба хабарнигорон хабар дод, ки дар ҷомеъа вокунишҳои тундеро ба бор овард.
Ҳамчунин тибқи хабарҳои расида Абдухолиқ Холиқзода ба ҷойи Ислом Зиёзода раиси шаҳри Панҷакент ва Ашӯралӣ Ҷалилзода раиси ноҳияи Деваштичи вилояти Суғд таъин шудаанд. Раиси пешини ноҳияи деваштич Сулаймон Зиёзода дар кобинаи нави Ҳукумати Тоҷикистон вазири кишоварзӣ таъин шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
AstraZeneca впервые признала, что ее вакцина может вызвать тромбоз
Нацбанк Таджикистана и Центробанк Узбекистана подписали Соглашение о сотрудничестве
Президент ЕБРР: В приоритете поддержка энергетики, транспорта и частного бизнеса
Курение и избыточный вес: как избежать рака, имея вредные привычки?
Сборной Таджикистана по футзалу вручат 550 000 сомони
Матерные текстовые сообщения и угроза тюрьмы. Что происходит на процессе о выплатах Дональда Трампа порнозвезде
Афганистан нарастит экспорт из Узбекистана: подписаны экспортные контракты на $44 миллиона
Визы в Турцию, выборочный пропуск в РФ и нота протеста: Самые важные события апреля по версии «Азия-Плюс»
В Тбилиси на митинге против закона об «иностранных агентах» спецназ применил слезоточивый газ
Посол США посетил склад для хранения фруктов с климатическим контролем в Раште
Все новости
Авторизуйтесь, пожалуйста