Сафорати Иёлоти Муттаҳидаи Амрико дар Тоҷикистон аз ҳукумати ҷумҳурӣ даъват ба амал овард, ки ба озодии ВАО эҳтиром гузошта, механизми дақиқ ва шаффофи танзими сабти номи рӯзноманигоронро роҳандозӣ намояд.
Дар изхороти имрӯз пахшшудаи сафорати ИМА дар Тоҷикистон гуфта мешавад, «Иёлоти Муттаҳида мунтазам озодии сухан, васоити ахбори омма ва ҳуқуқи хабарнигоронро бо мақсади фаъолияти бидуни тарс, сензура ва таъқиботи сиёсӣ, дастгирӣ менамоянд».
«Мо, Сафорати Амрико, ҳамеша нигаронии худро оиди муносибат бо хабарнигорон дар Ҷумхурии Тоҷикистон, минҷумла бо ҷаноби Абдуқаюм Қаюмзод бо Ҳукумати Ҷумҳурии Тоҷикистон, матраҳ менамоем, - омадааст дар изҳорот. - Мо аз Ҳукумати Ҷумҳурии Тоҷикистон даъват ба амал меоварем, ки озодии матбуотро эҳтиром намуда, механизми аён ва шаффофи марбут ба сабти номи хабарнигоронро таъсис диҳад».
Ёдрас мекунем, ки Вазорати хориҷа дар моҳи декабр Абдуқаюми Қаюмзодро огоҳ кард, ки сабти номаш тамдид намешавад ва ӯ дигар ҳаққи гузориш додан ба Радиои Озодиро надорад. Радиои Озодӣ ин тасмими Душанберо ҳамла ба мустақилияташ номид. Абдуқаюми Қаюмзод аз соли 2001 барои Озодӣ гузориш медиҳад. Ӯ соли гузашта ҷоизаи ба номи Лоҳутии Иттиҳодияи хабарнигорони Тоҷикистонро ба даст овард ва аз сӯи нашрияи “Фараж” “Журналисти сол” эълон шуд.
Созмонҳои хабарнигории Тоҷикистон аз вазири хориҷа Ҳамроҳхон Зарифӣ ташреҳи қазияи хабарнигори Озодӣ дар Душанбе Абдуқаюми Қаюмзодро тақозо кардаанд.
Дар ин номаи муштарак 4 созмон – Иттиҳодияи хабарнигорон, Анҷумани миллии расонаҳои мустақил, Шӯрои ВАО ва “Медиа-Алянс” аз оқои Зарифӣ хостаанд, сабабҳои тамдид нашудани сабти номи Қаюмзодро рӯшан кунад.
Рӯзи 23-юми январ радиои Озодӣ дар як баёния аз масдуд шудани сомонаҳои бахши тоҷикиаш дар Тоҷикистон ва рад шудани дархости тамдиди сабти номи хабарнигори бахши тоҷикӣ дар Душанбе Абдуқаюм Қаюмов хабар додааст.
Мархабо ждет мужа-мигранта уже 20 лет. В родном селе ее называют «Железной женщиной»
Лазерное лечение варикоза: кому можно, а кому нельзя делать эту процедуру?
«Красные следопыты», дружинники и Герои труда: история таджикской пионерии
Салом алейкум, Таджикистан! Анонсы событий, день в истории, прогноз погоды на 19 мая 2024 года
Привычки таджикистанцев, которые очень удивляют иностранцев
Как работают на улице сапожники Худжанда. Зимой в снег и летом в жару
Завтра в Душанбе состоится забег и веломарафон в рамках Национального дня бега, а также акция One Run
Три героини, как грани характера таджикской женщины. Размышления о фильме «Рох»
Как таджикский дзюдоист ворвался в элиту мирового дзюдо
Творческие арт-пространства и интересные галереи в Ташкенте
Все новости
Авторизуйтесь, пожалуйста