Вазири корҳои хориҷии Русия Сергей Лавров дар барномаи шабакаи телевизиони “Россия 24” даъват кард, ки аз “паҳншавӣ”-и таҳдидҳои террористӣ ва маводи нашъаовар аз Афғонистон пешгирӣ шавад, иқтибос овардааст гуфтаҳои ӯро хабаргузории РИА Новости.

Вазир таъкид таъкид дошт, ки ин гуна таҳдидҳоро дар дохили кишвар бартараф кардан лозим аст, то ки вазъият дар кишварҳои ҳамсоя ноамну бесубот нашавад, чунки субот дар ин кишварҳо барои Русия хеле муҳим мебошад.

“Зеро бо кишварҳои иттифоқчии Осиёи Марказӣ мо ҳеҷ гуна сарҳад надорем, қариб бо ҳамаашон реҷаи бе раводид ҷорӣ аст”, - ишора кардааст Лавров.

Қаблан толибон аз кишварҳои узви G20 (“Бистгонаи бузург”) тақозо намуданд, ки 1,2 млрд доллари дар ҷаласаи “Бистгонаи бузург” ваъдашударо ҷудо кунанд. Дар ин бора намояндаи дафтари толибон дар Қатар Муҳаммад Соҳил Шоҳин изҳори назар карда буд.

Ҳар он чи дар Афғонистон рух медиҳад, метавонед мустақиман дар сужаи мо -  "Афғонистон" бихонед.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.