Дар шоҳроҳи “Нур-Султон-Петропавловск” дар қаламрави ноҳияи Бурабой бо сабаби нуқси техникӣ мусофирбари тамғаи “Сетра” вайрон шуда, дар роҳ бозистод.
Ин автобус бо хатсайри Сургут (Русия) – Тоҷикистон ҳаракат мекард. Дар ин бора ВКД Қазоқистон хабар медиҳад.
“Дар автобус 29 нафар – 3 ронанда ва 26 мусофир буданд, ки 24 нафарашон мардону 4 зан ва 1 кӯдак – ҳама шаҳрвандони Тоҷикистон мебошанд. Касе осеб надидааст”, - иттилоъ медиҳад вазорат.
Бино ба иттилои манбаъ, 28 мусофир аз ин автобус ба ҷойҳои гарм бурда шудаанд: 15 кас дар хобгоҳи мактаб-интернат ва 13 нафари дигарро дар хобгоҳи коллеҷи техникии шаҳри Шучинск ҷой додаанд.
Гуфта мешавад, аз мусофирони автобуси вайроншуда ҳеҷ кас ба кумаки тиббӣ ниёз надорад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.