Грегуар Манжа (Grégoire Mangeat), адвокати швейтсарии Гулнора Каримова, духтари собиқ президенти Ӯзбекистон бо зерҳимояи худ дар зиндони занонаи Зангиота дар вилояти Тошканд вохӯрӣ гузаронид, хабар додаанд ба «Газета.uz» аз Прокуратураи генералии Ӯзбекистон.  

Дар Твитери адвокат рӯзҳои 1 ва 2 апрел дар бораи талошҳои Грегуар Манжа барои расидан ба дидору гуфтугӯ бо зерҳимояаш маълумот нашр шуд.

Дар Прокуратури генералӣ изҳор доштаанд, ки “вохӯрӣ рӯзҳои 1 ва 2 апрел доир гардида, барои дар сатҳи зарурӣ ва пурсамар гузаронидани он мутобиқи қонунгузории амалкунанда тамоми шароитҳо фароҳам оварда шудааст”.

Дар ҳамин ҳол, Грегуар Манжа дар Twitter-и худ навиштааст, ки ҳукуматдорони ӯзбек масъалаи муҳлати боқимондаи ҳабси Гулнора Каримоваро ба ӯ шарҳ надодаанд.

“Аллакай чандин моҳ аст, ки мо аз ҳукуматдорони кишвар дархост дорем, ки дар бораи чӣ муҳлат боқӣ мондани ҳабси ӯ аз кадом сана ҳисоб шудани он маълумот диҳанд. Рабудан? То ҳол посух гирифта нашудааст”, - навиштааст номбурда.

Бино ба маълумоти Бахши хабарии Осиёи Марказӣ, бо қарори додгоҳи вилояти Тошканд аз 18 декабри соли 2017 Гулнора Каримова 10 сол зиндонӣ шуд. 1 июли соли 2018 муҳлати ҳукми вай 5 сол кам шуд. Ба иттилои додситонӣ, Каримова аз тартиботи ҳабси хонагӣ сӯистифода кардааст ва биноан, ӯро дубора ба маҳбас интиқол додаанд.

Гуфта мешавад, пештар аз ин хабар расида буд, ки ширкатҳои Telia, VimpelCom ва МТС дар маҷмуъ барои ворид шудан ба бозори мобилии Ӯзбекистон ба Гулнора Каримова тақрибан 1 млрд доллар пора додаанд. Вазорати адлияи ИМА низ Гулнора Каримоваро расман дар порагирӣ ва пулшӯӣ айбдор кард.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.