Муфтиёти Қазоқистон гуфтааст, бо се далел истифодаи рамзарз ё криптовалютаро ҳаром эълом кард. Ба иттилои манбаъ, тибқи шариати Ислом, ҳамаи пулҳо бояд аз сӯи давлат бароварда ва муҳофизат шаванд.

"Биткойн пули миллӣ шуда наметавонад. Он пули маҷозӣ аст, ки аз ҷониби мақомоти давлатӣ кафолат дода мешавад ва қонунгузории молии кишвар низ онро муҳофизат карда наметавонад. Арзиши биткойн ҳар лаҳза метавонад якбора боло равад ё поин равад ва мардум аз ин зарар мебинанд", - омадааст дар хабари Идораи мусулмонони Қазоқистон.

Манбаъ сабабҳои дигари "ҳаром" будани криптовалютаро чунин овардааст, "дувум, равандҳои биткойн ҳамеша пӯшида ҳастанд ва он боиси қаллобӣ ва фиребгарӣ мешавад, ки шариат онро манъ кардааст. Севум, биткойн ҳамчун асъор ё мол таҳти назорати ҷониби масъул қарор надорад ва ин ба "иқтисоди дохилӣ ва оромии ҷомеа" метавонад таъсири манфӣ расонад".

Дар Telegram, Facebook, Instagram, OK ва ВК бо мо бимонед.

Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.