Сардори шуъбаи байнулмилалии Федератсияи футболи Тоҷикистон (ФФТ) Давлатманд Исломов комиссари бозии аввали даври ниманиҳоии Ҷоми Конфедератсияи футболи Осиё (КФО)-2014 миёни дастаҳои «Ал-Қудсия» (Кувайт) ва «Персипура Ҷаяпура» (Ҳиндустон) таъин карда шуд. Ин вохӯрӣ санаи 16-уми сентябр дар Эл-Кувайт баргузор мешавад.

Бино ба иттилои сомонаи расмии ФФТ, дар таърихи футболи Тоҷикистони соҳибистиқлол бори нахуст аст, ки намояндаи кишвар ба ташкили вохӯрии футбол дар чунин сатҳи баланд ҷалб шудааст.

Қобили зикр аст, ки соли равон Давлатманд Исломови 33-сола ҳамчунин дар вохӯриҳои футболи даври интихобии Ҷоми Осиё-2015, Лигаи чемпионҳо ва Ҷоми КФО ва ҳамчунин даври ниҳоии Ҷоми даъвати КФО-2014, ки моҳи май дар Малдив доир гардида буд, ба ҳайси комиссари бозӣ фаъолият намуд.