Комроншоҳ Устопириён мақоми сеюми қаҳрамонии ҷаҳони самборо дар шаҳри Нови Сади кишвари Сербистон ба даст овард. Комроншоҳ, ки барои раҳ ёфтан ба даври ниманиҳоӣ аз варзишгари рус Сергей Рябов шикаст хӯрд, дар сабқат барои мақоми сеюм варзишгари укроинӣ Ярослав Давидчукро шикаст дод.
Комроншоҳ дар даври аввал ҳарифаш аз кишвари Мағрибро бо ҳисоби 7.0 шикаст дод, вале дар даври дигар сабқатро бо варзишгари рус бо ҳисоби 2.1 бохт.
Дар сабқат барои ҷойи сеюм Комроншоҳ Ярослав Давидчуки укроиниро бо ҳисоби 6.0 шикаст дод ва барои бори сеюм медали биринҷии қаҳрамонии самбои ҷаҳонро ба гардан овехт.
Имсол ба далели ҳамагирии коронавирус рафтани паҳлавонони тоҷик ба мусобиқоти қаҳрамонии ҷаҳони самбо бисёр душвор шуд. Онҳо баъди иҷозаи ҷониби Узбакистонро гирифтани Тоҷикистон аз Тошканд ба Истамбул ва аз он ҷо ба Белград парвоз карданд.
Аммо ба далели дурии роҳ Комроншоҳ ба маросими вазнкашӣ дертар расид, ки як бор ӯро аз миёни паҳлавонони сабқат берун карданд. Вале дубора бо дахолати мақомҳои варзишӣ ӯро ба сабқат роҳ доданд.
Имсол дар мусобиқоти қаҳрамонии ҷаҳон дар миёни бузургсолон Тоҷикистонро се варзигари маъруфи тоҷик Акмалиддин Каримов вазни 57, Хушқадам Хусравов вазни 62 ва Комроншоҳ Устопириён вазни 90 муаррифӣ мекунанд. Ду самбокори дигар тоҷик рӯзҳои 7-8-уми ноябр ҳунарнамоӣ хоҳанд кард.
Федератсияи ҷаҳонии самбо хабар додааст, ки сарфи назар аз ҳамагирии коронавирус имсол 30 кишвар дар сабқати Қаҳрамонии ҷаҳон ширкат мекунанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста