Душанбе. 20-уми август. ОИ «Азия-Плюс» - Кишоварзони тоҷик нақшаи кишти такрориии зироатҳои гуногунро барзиёд иҷро карданд. Сухангӯи Вазорати кишоварзии ҷумҳурӣ Нарзулло Додобоев ба хабарнигори ОИ «Азия-Плюс» иттилоъ дод, ки дар шаҳру ноҳияҳо то   18 августи соли ҷорӣ кишти зироатҳои такрорӣ   ба   109040 га расонида шуд, ки ин ба андозаи 108 фоизи нақшаи солона баробар аст. Дар ин давра майдони кишти такрории ҷуворимакка ба 23048, шолӣ – 5480, дигар ғаллагиҳо 10744, картошка 743, сабзавот – 10495, полезӣ 1640, зироатҳои техникӣ – 1303 ва зироатҳои хӯроки чорво –55726 гектар расид, ки ин аз дуруст ва мақсаднок истифода бурдани ҳар як ваҷаби замин огоҳӣ медиҳад.

Айни ҳол кишти такрорӣ дар вилоятҳо ва шаҳру ноҳияҳои ҷумҳурӣ ба анҷом расиж. Ҳафтаи   сипаришуда кишоварзони   вилояти Хатлон   самаранок меҳнат намуда, иҷрои нақшаро ба 108,4 фоиз расониданд.    Кишоварзони вилояти Суғд бошанд, нисбат ба ҳафтаи гузашта   самаранок меҳнат намуда, нақшаи солонаро ба 101,5 фоиз иҷро намуданд, Дар ноҳияи тобеи ҷумҳурӣ бошад, кишти такрори тибқи наќша бояд дар майдони 15177 гектар гузаронида мешуд. Айни замон дар майдони 17805 гектар кишти такрорӣ гузаронида шуда иҷрои нақша ба 117,4 фоиз расонида шуд.