Душанбе. 3-юми сентябр. ОИ «Азия-Плюс» - Миёни кишварҳои узви Иттиҳоди Давлатҳои Мустақил (ИДМ) дар Тоҷикистон суръати пасттарини афзоиши ҳаҷми тавлиди маҳсулот (-3,3 фоиз) ба қайд гирифта шуд. Тибқи иттилои Кумитаи байнидавлатии омори ИДМ, ба ҳисоби миёна суръати афзоиши ҳаҷми тавлиди маҳсулоти саноатӣ дар ИДМ ба 6 дарсад баробар шудааст.

Мувофиқи маълумоти оморӣ, нишондиҳандаи баландтаринро дар ин соҳа миёни кишварҳо Озарбойҷон (14,1 фоиз), Белорус (13,1 фоиз) ва Ӯзбекистон (12,2 фоиз) доро мебошанд. Ғайр аз Тоҷикистон, нишондиҳандаҳои паст ҳамчунин дар кишварҳои Арманистон (1,8 фоиз), Қирғизистон (5,8 фоиз) ва Қазоқистон (3,3 фоиз) низ ба қайд гирифта шуданд.