Душанбе. 21-уми май. ОИ «Азия-Плюс» - Шӯъбаи Ташкилоти Байналхалқии Институти «Ҷамъияти кушода» Бунёди мадад ва Институти ҳуқуқи ВАО –и Украина дар доираи Барномаи ВАО барои иштирок дар Панҷум Мактаби байналмилалӣ доир ба ҳуқуқи ВАУ (6-24 июли соли 2009, ш.Киев) озмун эълон кард.

Чӣ тавре ки ба ОИ «Азия-Плюс» аз шӯъбаи тоҷикистонии Институти «Ҷамъияти кушода» Бунёди мадад иттилоъ доданд, мақсади асосии озмун мусоидат ба интихоби иштирокчиёни арзанда барои ширкат дар Мактаби байналмилалии тобистона доир ба хуқуқи ВАО аз Тоҷикистон мебошад.

Ба иттилои манбаъ, мактаби байналмилалии тобистона доир ба ҳуқуқи ВАО – ин давраи омӯзишии кӯтоҳмуддат барои ҳуқуқшиносони ҷавони соҳаи ВАО бо таҷрибаи на камтар аз як соли корӣ дар ин самт аст, ки мавзӯҳои риояи озодии сухан ва иттилоот, ҳимояи шаъну шараф ва обрӯи касбӣ, ҳифзи фаъолияти ВАО, телевизиону радио ва дигар масоили соҳаи ВАО- ро дар бар мегирад.