Душанбе.22-юми май. ОИ «Азия-Плюс» - Имрӯз вазири умури хориҷии Тоҷикистон Ҳамрохон Зарифӣ баъди анҷоми боздиди расмӣ аз Арабистони Саъудӣ озими Сурия гардид.

Чӣ тавре ки ба ОИ «Азия-Плюс» аз департаменти иттилооти ВКХ итилоъ доданд, дар ҷараёни сафар Ҳ.Зарифӣ дар кори иҷлосияи 36-уми Машварати вазирони умури хориҷии кишварҳои узви Созмони Конфронси исломӣ, ки рӯзҳои 23-25-уми май дар шаҳри Димишқ – пойтахти Сурия доир мегардад, ширкат ва суханронӣ хоҳад кард.

Бино ба иттилои манбаъ, дар баробари ширкат дар конфронс, вазири умури хориҷии ҶТ ҳамчунин бо ҳамтоҳои худ аз кишварҳои узви СКИ ва намояндагони воломақоми Сурия низ дидору гуфтушунид мекунад.