Душанбе. 12-уми июн. ОИ «Азия-Плюс» - Субҳи имрӯз дар маркази тадқиқоти стратегии назди президенти ҶТ мизи мудаввар доир ба мавзӯи «Мушкилоти обу энегетикаи Осиёи Марказӣ: оё имкони созиш мавҷуд аст»» ба кор шурӯъ кард.

            Дар кори мизи мудаввар намояндагони сохторҳои ҳукуматии кишварҳои минтақа, намояндагиҳои дипломатии муқими Тоҷикистон ва созмонҳои байнулмилалии машғул ба ин масъала, коршиносони мустақил ва рӯзноманигорон иштирок мекунанд.

            Мизи мудаввар аз ҷониби пажӯҳишгоҳи Ҷанг ва Сулҳ ( IWPR ) дар ҶТ созмон дода шуда, рӯзномаи мизи мудаввар аз баррасии масоили мушкилоти мавҷудаи обу энергетикаи минтақа, ки ахиран боиси баҳсҳои зиёд шудаанд, иборат аст.

            Чӣ тавре ки ба ОИ «Азия-Плюс» мудири IWPR Саодат Асанова иттилоъ дод, коршиноонро мебояд роҳҳои ҳалли мусолиматомези мушкилотро пайдо сохта, ба саҳми ВАО дар ҳалли ин масъала баҳогузорӣ намоянд. «Ахиран роҷеъ ба масъалаи мазкур дар ВАО ҷанги воқеии иттилоотӣ сурат гирифта, зарурати арзёбии воқеии инъикоси ин масъала дар ВАО пеш омад», - гуфт ӯ.