Душанбе. 15-уми июн. ОИ «Азия-Плюс» - Дар сӯҳбат бо хабарнигори ОИ «Азия-Плюс» ёвари сафири Ӯзбекистон дар Тоҷикистон Юрий Нагай изҳор дошт, ки агар барои Тоҷикистон сохтмони нерӯгоҳҳои обиву барқӣ ба идеяи миллӣ табдил ёфта бошад, барои Ӯзбекиситон чунин масъала – масъалаи истифодаи об мебошад, зеро беш аз 60 фоизи аҳолии Ӯзбекистон дар манотиқи деҳот зиндагӣ дорад. «Масъалаи мазкур аз замони шӯравӣ ба мо мерос мондааст ва моро лозим аст, аз даъвоҳо нисбати ҳамдигар даст кашида, роҳҳои ҳалли мушкилотро ҷустуҷӯ намоем», - гуфт ӯ.

            Номбурда гуфт, бисёриҳо гумон доранд, ки Ӯзбекистон ба ҳалли ин масъала машғул нест, вале ин дурсут нест, зеро Ӯзбекистон дар ин самт мудом пайи андлешидани чораҳост. «Мо дар самти ҷорисозии тарзҳои замонавии сарфаи захираҳои обӣ ва ғайра тадбирҳо пеш гирифтаем ва кишварҳои моро лозим аст, сари созише оянд», - афзуд вай.